Mügedek ūly men äielın tastap kettı dep aiyptalǧan Saiat Äbenov özınıŋ instagramm paraqşasyna «Ötken ömır» dep aqtalu postyn saldy, dep jazady Oinet.kz.
«Astarly aqiqat» baǧdarlamasyna Torǧailyq aqynnyŋ jary men ūly kömek sūrap kelgen edı. Aqynnan būndaidy kütpegen halyq, köptegen negativ pıkırler jazyp, Äbenovten ūlyn emdetuge qarajat jaǧynan kömek qolyn sozuyn sūrady.
Osyǧan orai:
«Jeke ömırım jaily emes ötken ömırım jaily aityp bereiın. Konsertıme deiıngı konsert osy şyǧar. Äitpese ışıme syimai kettı. Jalpy syrtym külıp jürgenmen ışım mūŋǧa toly. Bıreu sezıner, bıreu sezınbes. " Baqytsyz neke" degen tuyndymdy oqyǧan kısıler tüsıngen şyǧar?! Studenttık şaǧymdaǧy ülken qatelıgımnen bastaiyn. Oida eşteŋe joq, jūrt qūsap qyzben jüreiık dep jataqhanada mahabbatqa erık berdık. Sodan bır qyzben jüre bastadym. Keiınnen ūrysyp qalyp qaita qauyştyq. Qauyşqan kün - bızdıŋ ömırımızdı özgerttı. Arada ekı apta ötken soŋ " jüktımın " degen habar aitty. Ol kezde otbasy qūruǧa degen senımı azdau jaspyn. Bas tartsam anasy aryzyn daiyndap otyr. Al äkesı (dtsp) auruymen auyryp erterekte qaitqan eken. Sodan jürek qalamasa da qyz ūzatu toiy öttı. Qyz ūzatu toiynda anasy (enem) mynadai tılegın jetkızdı " būl qyzymdy būǧan bergenşe basqa jıgıtke beruım kerek edı. Jarar, özderı bılsın " dedı. Sol tılegı älı künge deiın kökeiımde.
Ne bolsa da jūrtqa külkı bolmaiyq dep üilenu toiyn jasadyq. Sodan arada uaqyt ötıp düniege ūl keldı. Säbidıŋ eş jazyǧy joq qoi şyny kerek säbilı bolǧanym üşın qatty quandym. Ol quanyşymyz bıraqta ūzaqqa sozylmady. Bır künı oquda jürıp üige habarlassam ekeuı ketıp qaldy deidı anaşym.
Neke saqinasyn ötkızıp öz auylanan bır-aq şyqqan eken.(Ol kezde jaldamaly laşyq üide tūramyz. Jaǧdaiymyz öte naşar. ) Endı otbasy bolǧan soŋ ydys-aiaq syldyrlamai tūrmaidy. Olai deiın desem de men basqa qalada oquda jürmın. Jaǧdaidyŋ tömendıgınen ketken şyǧar dep oi tüidım. Habarlassam kötermeidı. Tym bolmasa ūlymmen söilestır desem de könbeidı. Sodan qatty qinalyp kettım. Ata-anam men tuys-tuǧandarym jūbatyp äiteuır basu aitty. Bauyr basyp qalǧan da qiyn eken. Aqyry ümıtım üzılıp oralmasyna közım jettı. Basqa ömır jolyn bastap men de öz jönımmen kettım. Allanyŋ bergen baǧy - aqyndyǧym janyma serık boldy.
Menı jeke ömırım tastap ketse de jeke önerım tastaǧan joq. Sodan arada bıraz jyl ötıp atym şyǧa bastaǧanda habarlasty. Ol kezde bärı özgergen. Öitkenı basqamen tūrmys qūrǧan eken. Bıraqta onyŋ küieuı jol apatynan köz jūmypty. Sodan bır balasy bar.Ekı balamen qinalyp ketken soŋ älimentke aryz berıptı. Ärine ūlym üşın töleuge daiyn boldym», - dep jazdy.
