Biyl qaŋtar men qyrküiek aiy aralyǧynda 4500 etnikalyq qazaqtyŋ Qytai azamattyǧynan şyǧuy räsımdelgen. Būl turaly Qazaqstan syrtqy ıster ministrlıgı Azattyqqa mälımdedı.
"9400 qazaq Qazaqstandaǧy tuystarymen kezdesu üşın qūjat aldy" delıngen ministrlıktıŋ Azattyqqa jıbergen jazbaşa jauabynda.
Ministrlıktıŋ mälımdeuınşe, 2019 jyldyŋ alǧaşqy toǧyz aiynda Qazaqstannyŋ Qytaidaǧy elşılıgınen 35 myŋ etnikalyq qazaq Qazaqstanǧa viza alǧan.
Işkı ıster ministrlıgınıŋ deregı boiynşa, biyl qaŋtar men qyrküiek aralyǧynda 10790 etnikalyq qazaq Qazaqstan azamattyǧyn qabyldaǧan, Ministrlık deregınşe, ötken jyly 18 myŋnan astam etnikalyq qazaq azamattyq alǧan.
Qazaqstanda tūryp jatqan, bıraq azamattyǧy joq adamdarǧa Qazaqstan prezidentınıŋ jarlyǧymen Qazaqstan azamattyǧy berıledı. Al şetelden köşıp kelgen etnikalyq qazaqtar Qazaqstan azamattyǧyn jeŋıldetılgen tärtıppen ala alady.
Şılde aiynda jergılıktı aqparat qūraldary Eŋbek jäne halyqty äleumettık qorǧau ministrlıgınıŋ deregıne sılteme jasap, 2019 jyldyŋ alty aiynda 7000-ǧa juyq etnikalyq qazaqtyŋ Qazaqstanǧa qonys audarǧanyn habarlaǧan bolatyn. Sonyŋ ışınde Özbekstannan - 3800, Qytaidan 1553 adam köşıp kelgen. Mūnan basqa Türıkmenstannan 532, Moŋǧoliiadan - 402, Reseiden - 145, İrannan - 62, Qyrǧyzstannan - 46, Täjıkstannan - 11, Türkiiadan üş etnikalyq qazaq tarihi otanyna oralǧan.
"Azattyq" radiosy
