Halqymyz älımsaqtan «bırınşı bailyq – densaulyq» dep tegın aitpaǧan. On ekı müşeŋ bütın, denıŋnıŋ sau bolǧanyna teŋ keler eşteŋe joq şyǧar, sırä! Dese de, qoǧamda asau taǧdyrdyŋ jazuymen mümkındıkterı şekteulı bola tūra, ör mınezdıŋ arqasynda ömırge qūştar, eŋbekqor jandardy körıp köz quanady.
Bügınde Jambyl oblysynda mümkındıgı şekteulı azamattardyŋ müddelerın qorǧap, olarǧa jan-jaqty qoldau körsetetın «Asar», «Naqty kömek», «Asu», «Nūr qaiyrym» qoǧamdyq bırlestıkterı jūmys ısteidı.
Atalǧan qoǧamdyq bırlestıkter oblys äkımdıgı jūmyspen qamtudy üilestıru jäne äleumettık baǧdarlamalar basqarmasyna qarasty mügedekterdı beiımdeu jäne oŋaltu ortalyǧymen tyǧyz bailanysta deuge bolady. Būl bırlestıkter mügedekterdıŋ mūŋ-mūqtajyn, qordalanǧan mäselelerın şeşu maqsatynda atqaruşy bilık ökılderınıŋ qatysuymen alqaly basqosular ūiymdastyryp tūrady.
Osynau qoǧamdyq bırlestıkterdıŋ mūryndyq boluymen kemtar jandar arnaiy bılım alyp, tıptı keibırı tūraqty jūmysqa ornalasu mümkındıgıne de ie bolyp otyr. Mäselen, «Naqty kömek» qoǧamdyq bırlestıgı ötken jyly 40 mügedek jandy tıgınşılık, toqyma toqu, qūraq qūrau käsıpterıne oqytyp, arnaiy kurs bıtırgenı turaly sertifikat berse, biyl būl ürdıs öz jalǧasyn tapqan. Al «Nūr qaiyrym» qoǧamdyq bırlestıgı mümkındıgı şekteulı jandardy ūialy telefon jöndeu şeberlıgıne baulyp otyrǧany da köŋıl marqaitady.
Deitūrǧanymen, «Naqty kömek» qoǧamdyq bırlestıgınıŋ töraiymy Şolpan Ahmetova arnaiy bılım kurstaryn aiaqtap, qoldaryna sertifikat alǧan mügedekterge jūmys tabu qiyn ekenın jasyrmaidy.
«Bız özımız ötkızetın jiynǧa mındettı türde basqarma men «Nūr Otan» partiiasy oblystyq filialynan ökılderın, bırneşe käsıporyndardyŋ basşylaryn şaqyramyz. Basty maqsatymyz – mümkındıgı şekteulı jandardy tūraqty jūmysqa ornalastyru», – deidı ol.
Al keibır mälımetterge süiensek, byltyr 300-den astam mügedek jandar mamandyqqa beiımdeitın kurstardan ötıp, būl maqsatta oblystyq biudjetten 100 million teŋge qarajat bölıngen. Nätijesınde öŋırde 610 mügedek eŋbekpen qamtylyp, onyŋ 300-ı tūraqty jūmys tapqan.
Sondai-aq, byltyr Tarazda mümkındıgı şekteulı balalardy emdeuge arnalǧan ippoterapiia klubyn aşylǧan bolatyn. İppoterapiia – atqa mıngızıp emdeu, iaǧni at bioörısı serebraldyq sal aurumen auyratyn adamdar üşın paidaly. Attyŋ aiaǧy balanyŋ jürısın jıtı qadaǧalap ärı emdeitının alǧa tartady «Asar» mügedektermen jūmysty ūiymdastyru ūiymynyŋ töraǧasy Ruslan Tölegenov.
Taǧy bır atap ötetın jait, qoǧamdyq bırlestıkterdıŋ ūiymdastyruymen mümkındıgı şekteulı azamattar arasynda spartakiada tūraqty türde ötkızılıp tūrady. Sonyŋ bırı qazan aiynyŋ ekınşı jeksenbısı iaǧni mügedekter künıne orai ötkızlıgen.
Ortalyq stadionda ötken būl sporttyq ıs-şaraǧa 120-dam astam mümkındık şekteulı jandar qatysyp, sporttyŋ 6-türınen özara saiysqa tüsken.
Atap aitqanda, 100 metrge mügedek arbada jarysu, qol küresı, doiby, şahmat, toǧyzqūmalaq jäne darts oiyndary taǧy da basqalary bar.
«Jarystyŋ maqsaty - mümkındıgı şekteulı azamattardyŋ qūqyqtaryn saqtau, äleumettık jaǧdailaryn jaqsartu jäne salauatty ömır saltyn ūstanuǧa airyqşa nazar audaru»,- deidı ūiymdastyruşylar.
Tartysqa toly ötken sporttyq jiynda barlyq qatysuşylar syi-siiapatpen marapattaldy. Mümkındıgı şekteulı jandardyŋ jarysyna Rio-De-Janeiro Paraolimpiadasy oiyndarynyŋ jeŋımpazy, daŋqty sportşy Zulfiia Gabidulina da tūraqty qatysyp tūrady.
Būǧan qosa, mügedekterdıŋ müddesın közderınıŋ qaraşyǧyndai qorǧap jürgen qoǧamdyq bırlestıkter, olardyŋ qoldarynan şyqqan öner būiymdarynyŋ körmesın de ūdaiy köpşılık nazaryna ūsynyp keledı.
«ADYRNA»
ūlttyq portaly
