Bız – sonau toqsanynşy jyldary tar zamanda tarydai şaşylyp ketken qandastaryn Atamekenge jinaǧan älemdegı üş eldıŋ bırı bolǧanymyzdy maqtanyşpen aituymyz kerek.
Oblys äkımdıgı ışkı saiasat basqarmasynyŋ jäne «Düniejüzı qazaqtar qauymdastyǧy» respublikalyq qoǧamdyq bırlestıgınıŋ oblystyq filialynyŋ ūiymdastyruymen şetelden qonys audarǧan qandastarymyzdy qoldau maqsatynda «Ortaq Otan - Qazaqstan!» atty oblystyq forum öttı. Forumnyŋ qädırlı qonaǧy bolyp qauymdastyqtyŋ töraǧasynyŋ orynbasary Zauytbek Tūrysbekov, Qazaqstannyŋ Eŋbek Erı Sauranbai Dönenbaev, «Myŋaral Tas Kompani» JŞS bas direktory Mūrtaza Būlūtai jäne öŋırdıŋ ziialy qauymy, ardagerlerı qatysty. Forum özge elden öz elımızge qonys audaryp jatqan qandastarymyzǧa arnalǧan «Dala danalary» filmınıŋ körsetılımınen bastaldy.
Alqaly jiynda söz alǧan Zauytbek Tūrysbek sonau 1991 jyly 31 jeltoqsanda Qazaq radiosynan eks-Prezident Nūrsūltan Nazarbaevtyŋ şetel qazaqtaryna arnaiy məlımdeme jasaǧanyn eske aldy.
"Prezident öz sözınde, älemnıŋ är elınde ǧūmyr keşıp jatqan bauyrlamyzdy elge qaituǧa şaqyrdy. Sol sälemdeme sözden bastap Qazaqstanǧa kelemın dep at basyn būryp, ūly köştıŋ teŋın buyp, tızgının qaqqan bauyrlar Otanǧa oraludyŋ qamyna kırıstı. 1992 jyly Düniejüzı qazaqtarynyŋ alǧaşqy qūryltaiyn ötkızuge daiyndyqtyŋ ruhani josparyn täuelsızdık jariialanǧannan keiın on bes kün ötken soŋ bastalyp kettı. Būl atauly oqiǧany barşa qazaq quana qarsy aldy. Bırınşıden, "Otandastarymyz elge oralady, ekınşıden qazaqtyŋ sany artady" dep börkımızdı aspanǧa attyq"-deidı ol.
Al oblys əkımınıŋ orynbasary Sūluşaş Qūrmanbekova jalpy, at qazyǧyn bailar atamekenge täuelsızdık alǧaly berı 300 myŋdai otbasy köşıp kelgenın tılge tiek etıp, el halqynyŋ sany 1 mln qandasymyzben tolyqqanyn jəne Äulietata jerıne osy jyldary 15018 otbasydan qūralǧan 57919 qandas qonys audarǧanyn aitty. M.H.Dulati at. TarMU dosentı J.Seitqūlova, «Düniejüzı qazaqtar qauymdastyǧy» respublikalyq qoǧamdyq bırlestıgınıŋ oblystyq filialy J.Äsemov, Baizaq audanynyŋ tarihi-ölketanu muzeiınıŋ direktory S.Qalmūratovtar da söz alyp, şet elde tūryp jatqan qandastarymyzdy elge qaitaru jūmysy ər qarai da jandana tüsu kerektıgın atap öttı. Forum soŋynda şettegı qazaqtardy tarihi Otanǧa qaitaru ısıne sübelı ülesterın qosqan bırqatar jambyldyqtar marapattaldy.
«ADYRNA»
ūlttyq portaly
