Danial Ahmetov Şyǧys Qazaqstan oblysynda bırde-bır audan aşylmaitynyn mälımdedı dep habarlaidy inbusiness.kz saity.
Ortalyq kommunikasiialar qyzmetınde ötken baspasöz mäslihatynda BAQ ökılderınıŋ saualdaryna jauap bergen ŞQO äkımı Danial Ahmetov öŋırdegı şekaralyq audandardy damytudyŋ baǧdarlamasy jasalatynyn aitty. «Marqaköldıŋ aqsaqaldary maǧan keldı. 45 adam bolyp, sūraqtar qoidy. Men ol kısılerge: «Tuysqandarym, aityŋyzdarşy, 45 kısı keldıŋızder. Aralaryŋyzda qanşa kısı Kürşım men Marqakölde tūrady?», – degen bır ǧana sūraq qoidym. Qalai oilaisyzdar, qanşa kısı Marqakölden kezdesuge kelgen? Bır kısı ǧana. Qalǧanynyŋ bärı Öskemen men Semeide tūryp jatqanyna 20 jyldan asqan. Bıraq ta öte dūrys mäsele köterıldı. Sol sebepten men arnaiy komissiia qūrdym. Qazır bes audanda jūmys ıstep jürmız. Ürjar, Tarbaǧatai, Zaisan, Katonqaraǧai, Kürşım audandaryna arnaiy baǧdarlama jasaimyz. Äleumettık jūmystardy köterıp, qosymşa qarjy bölemız. Osy jūmys aiaqtalǧannan keiın ondaǧy halyqpen özım kezdesemın. Aqyrǧy sūraq. Bır de bır jaŋa audan aşpaimyz. Nege deseŋız, audan aşqanda tek qana jaŋa jūmyskerlerdıŋ baspana mäselesın şeşu üşın 9 mlrd teŋge ketedı. Sonda ne kerek halyqqa? Jaŋa şeneunıkter me? Oǧan qaraǧanda arnaiy baǧdarlama kerek. Kelgen 45 aqsaqaldyŋ bärı menımen kelıstı. Bız osy jobany ıske salamyz», – dedı ŞQO äkımı.
Oblys äkımınıŋ būl sözıne belgılı saiasattanuşy Erlan Saiyrov äleumettık jelıde öz közqarasyn bıldırdı. Saiasattanuşynyŋ öz Feisbuk paraqşasyndaǧy sözın qaz-qalpynda berıp otyrmyz.
"Aitpasaŋ sözıŋ atasy öledı"...
Ökınıştı. Erteŋ, osynau qiǧaş qadamdaryna qatysty, ättegen-ai aitatyndyǧy anyq. Öitkenı, Danial Ahmetov tärızdı täjıribelı, şaruaşylyqty döŋgeletuge qabılettı deitın azamattar qaraközdıŋ äleumettık psihologiiasyn tüsınbeidı, halyqtyŋ şynaiy mūŋ-mūqtajyna "qyryn" qaraityndyǧyn taǧy da körsettı. "Qyzyl direktor" degender bolǧan kezınde, keŋes zamanynda ırı şaruaşylyqtardy basqaryp, josparly ekonomika kezınde qyzmet ıstep, ūjymnyŋ müddelerımen kelıspei şeşım qabyldaityn "qyrsyq" basşylar. Halyqtyŋ aitqanyn ıstese, "taǧynan" tüsıp qalatyndai äser alady, olar. Özderı täkapar, menmenşıl, halyqqa mensınbegen közqaraspen qaraidy. ŞQO-nyŋ basşy da sol "qyzyl direktorlyqqa" salynyp otyrǧan tärızdı. Özderı basqaryp otyrǧan jerdıŋ tarihynda, halqynyŋ mınez-qūlqyn da tüsınbeidı, tüsınuge peiıl de tanytpaidy. Bıle-bılgen adamǧa Şyǧys Qazaqstannyŋ Katon-Qaraǧai, Marqaköl, Tarbaǧatai audandary qazaq halqyna bızdıŋ ata-babamyzdyŋ qany, olardyŋ qanşamasynyŋ qiylyp ketken ömırı arqyly kelgen, ol jerler üşın bükıl qazaq qanqūily soǧysa otyryp, ielengen. Sol ata-babamyzdyŋ erlıgı, örlıgı, bızge degen qamqorlyǧynyŋ arqasynda kelgen jerlerden bügınde, el aman, jūrt tynyşta halyq üdere köşıp jatyr. Nelıkten? Halyq Ükımetke, memleketke jaqyn bolǧysy keledı. Sondyqtan ortalyqqa Öskemen, Semei, Almaty, Nūr-Sūltanǧa auyp jatyr. Şekara bos qaldy. Sol şekaraǧa beket retınde, audandardy qalypqa keltıru jönındegı jergılıktı halyqtyŋ "zar-aiǧaiyn" oblys äkımı Danial Ahmetov elegısı de kelmeidı. Halyqtyŋ jan-tänın tüsınbeuşılık degenımız osy. "Halyqty tyŋdauǧa qabılettı memleket" būl şeneuıkter üşın jäi ǧana söz. Eşqandai qūndylyǧy, mänı joq. Būl mäsele tek oblystyq deŋgeide emes elımızdıŋ ūlttyq qauıpsızdıgıne tıkelei äserı bar respublikalyq mäsele. Sondyqtan Qazaqstan Respublikasynyŋ Ükımetıne, Parlament deputattaryna osy mäselenı memlekettık müdde tūrǧysynan qarastyru üşın ündeu jariialaimyn! Būl elımızdıŋ territoriialyq tūtastyǧynyŋ negızgı mäselesı.
"Arǧymaqqa mındım dep, artqy toptan adaspa. Künınde özım boldym dep, keŋ peiılge talaspa!" degen qanatty sözdı būl kısılerge kım aitar eken?
Al, däl osy kezde, halyq bosyp köşıp jatyr, aqsaqal mūŋyn aitar adam tappai sabylyp, oblys basşylyǧynyŋ tabaldyryǧynda jür, audandar toqyrap jatyr. Bügıngı künnıŋ şyndyǧy osy.
Oblys basşysynda peiıl bolmasa, halyqta qandai meiır bolmaq?
Arty dūrys bolsyn...
"Adyrna" ūlttyq portaly
