Jambyl oblysyna qarasty Jambyl audanynda jeke käsıpker Aqjol Teŋgebaev Auyl şaruaşylyǧyn qarjylai qoldau qorynyŋ Jambyl oblysyndaǧy filialynan nesie räsımdep, qoi şaruaşylyǧyn damytudy qolǧa aldy. Ernazar auylynyŋ tūrǧynynyŋ aituynşa, qordyŋ jeŋıldetılgen nesieler şarualarǧa ülken kömek.
«Men Auyl şaruaşylyǧyn qarjylai qoldau qorynan «İgılık» baǧdarlamasy arqyly 6 prosentpen 6,5 jylǧa 4 mln teŋge nesie räsımdep, oǧan 110 bas qoi men 4 qoşqar jäne mal azyǧyn satyp aldym. Qazır qysqa daiynbyz. Osy maldy qystan aman-esen alyp şyǧyp, köktemde töldetsem dep otyrmyn. Auylda tūrǧannan keiın malmen ainalysu kerek. Būrynǧydai emes, qazır memlekettık qoldaular bar, sony paidalana bılu kerek. Auyl şaruaşylyǧyn qarjylai qoldau qory beretın nesienıŋ şarttary men talaptary qiyn emes jäne jeŋıldık merzımı bar. Ol bız siiaqty şarualarǧa ülken kömek. Auyl käsıpkerlerın qarjylai qoldap kele jatqan Qordyŋ qūrylǧanyna biyl 25 jyl tolyp otyr eken. Osy Qorda jūmys ısteitın barlyq qyzmetkerlerdı 25 jyldyq mereitoilarymen qūttyqtaimyn. Eŋbekterı jemıstı, jūmystary tabysty bolsyn!», – deidı Aqjol Teŋgebaev.
Jalpy biyl «Eŋbek» baǧdarlamasy aiasynda «İgılık» nesie önımı arqyly da qoi satyp alu üşın 316 şaruaǧa 1 mlrd 62 mln 455 myŋ teŋge nesie berıldı. Būl qarjyǧa 30 363 bas qoi satyp alǧan şarualar qoralaryn malǧa toltyrdy. Älı de qoi şaruaşylyǧymen ainalysu üşın nesiege ötınım bergen azamattar barşylyq.
Sondai-aq, «İgılık» nesie önımı arqyly käsıppen ainalysamyn degen azamattarǧa 6 prosentpen 4 mln teŋgege deiın nesie berıledı. Būl nesie önımı arqyly mal, qūs, bal aralaryn satyp alyp, käsıp ısteuge bolady. Sondai-aq, 9 ai jeŋıldık merzımı qarastyrylǧan. Eŋ bastysy şaruanyŋ nesie tarihy jaqsy boluy kerek jäne biudjettıŋ, qarjy instituttary men salyq organdarynyŋ aldynda merzımı ötken bereşegı bolmauy tiıs. Mal ūstaityn qora-jaiy, talapqa sai jaiylymdyq jerı boluy kerek. Qordyŋ kepıldık saiasatyna säikes, şarua kepıldıkke jyljityn nemese jyljymaityn mülıkterın qoia alady.
Auyl şaruaşylyǧyn qarjylai qoldau qory «Eŋbek» nätijelı jūmyspen qamtudy jäne jappai käsıpkerlıktı damytu memlekettık baǧdarlamasy men Agroönerkäsıp keşenın damytu baǧdarlamasy aiasynda auyl şaruaşylyq jäne käsıpkerlık jobalaryn qarjylandyryp keledı.
Biyl Qordyŋ qūrylǧanyna 25 jyl. Osy uaqyt aralyǧynda jalpy somasy 312 mlrd teŋge bolatyn 152 myŋ nesie berıldı. Biylǧy jyldyŋ soŋǧy körsetkışı boiynşa barlyq baǧyttar boiynşa 51 mlrd 296 mln teŋgenı qūraityn 11 351 joba qarjylandyryldy.
«ADYRNA»
ūlttyq portaly
