Ámireniń zıraty qalaı tabyldy?

4134
Adyrna.kz Telegram

MÝZYKATANÝShY JARQYN ShÁKÁRIM:

Qazaqtyń ánshilik ónerin álemge tanytqan Ámire Qashaýbaıuly jóninde az jazylyp júrgen joq. Ámireniń jansyz denesi 1934 jylǵy qarashanyń 5-nen 6-syna qaraǵan túnde Almaty kósheleriniń birinde tabylǵanymen, bul ólimge qatysy bar adamdar áli kúnge belgisiz. Soraqysy Ámireniń qaı jerge jerlengeni, múrdesi, zıraty joǵalyp ketken. Ámire jerlengen soń arada 30 jyl ótkende 1974 jyly Ámireniń ózi oryndaǵan ánderi jazylǵan úntaspa tabyldy. Ámire úntaspasy tabylyp Máskeýden ákelgenimiz sol eken, jurtshylyq onyń múrdesi qoıylǵan jerdi, zıratyn izdeı bastady. Sol kezdegi aqsaqaldardyń aıtýynsha Ámire atamyz 1934 jyldyń 8 qarashasy kúni Almaty qalasyndaǵy Tashkent dep atalatyn kóshedegi ortalyq zıratta jerlengeni belgili boldy. Kóreıik dep izdep barǵanymyzda ondaǵy zıratqa jaýapty kezekshiler Ámire múrdesiniń qaı jerde jerlengenin bilmeıtin bolyp shyqty. Tipti zırat keńsesindegi 1934 jyly jerlengender tizimi jazylǵan jýrnalda Ámire esimi joq. Endi Almatydaǵy ortalyq zırattaǵy Ámire jerlengen jerdi izdeý mindeti bastaldy. Shyndyǵyn aıtý kerek, jalpy osy jumystarǵa qozǵaý salǵan Máskeýde saqtalǵan ánshi daýysynyń tabylýy.
Ámire jerlengen jerdi, zıratyn da taptyq, árıne. Baba denesin, múrdesin aqymdap jerlegen Ábilmájin Sapaqov degen aqsaqal áldeqandaı bir alapattyń bolatynyn sezip, jerlegen kúni zırat janyndaǵy terek aǵashyna bákimen "Bul jerge Ámire Qashaýbaıuly jerlengen" dep jazyp ketken eken. Serke Qojamqulov, Júsipbek Elebekov, Saparǵalı Begalın jáne men tórteýimiz ortalyq zırattan tórt kún izdep tappadyq, besinshi kún degende ortamyzǵa Ábilmájin Sapaqov aralasyp, ánshi jerlengen jerdi bir sátte-aq taýyp berdi. Árıne, Ámire zıratynyń orny turmaq tuqyly da joq. Jermen jeksen taqyr jer. Tap osy jerde súıegi jatqanǵa balap, osyǵan da qýanysyp quran baǵyshtadyq...

Áset Aqmoldanyń Feısbýk paraqshasynan

Pikirler