Jambyl oblysynyń aýdandarynyń ishinde Merki aýdany áleýmettik-ekonomıkalyq turǵydan kósh bastap tur. Sebebi aýyldyń kásipkerleri tynbaı eńbek etip, aýdannyń turmysyn tiktep tur. Sondaı-aq Merki aýdanynda Tuńǵysh Prezıdent kúni jáne QR Táýelsizdigi kúni qarsańynda birneshe nysan paıdalanýǵa berildi.
QR Táýelsizdiń kúnine oraı Merki aýdany Andas batyr aýyldyq okrýgine qarasty Aralqystaq jáne Tátti aýyldyq okrýgine qarasty Belaryq aýyldarynda medıınalyq pýnkter ashyldy. Tuńǵysh Prezıdent kúni men Táýelsizdik merekeleri qarsańynda aýdanda josparlanǵan 12 ambýlatorııalyq pýnktiń 10-y paıdalanýǵa berildi.
«Merki» irimshik 1954 jyly iske qosylǵan bul kásiporyn kúnimizge deıin qyzmet berip keledi. Jylyna 6 myń tonnaǵa deıin sút qabyldap,sút ónimderiniń 20-ǵa jýyq túrin shyǵarady.
Bıyl bilim kúni qarsańynda Aqtoǵan aýyldyq okrýgine qarasty Qazaq Dıhan aýylynda 120 oryndyq mektep paıdalanýǵa berildi. Qazirgi tańda atalǵan mektepte 108 bala bilim alyp jatyr.
Maqsut Nesipbaevtyń «Ar-As» sharýa qojalyǵy 100 bıe saýyp, sońǵy tehnologııalarmen jabdyqtalǵan qurylǵylardan kúnine 70-100 lıtrge deıin qymyz shyǵarýda. «Taý qymyzy» atalǵan qymyz shólmekterge quıylyp, elimizdiń birneshe óńirine eksporttalýda. Germanııadan ákelingen bıe sútin salqyndatqysh, jylytqysh qurylǵylar qymyzdy úsh aıǵa deıin saqtaýǵa múmkindik týdyrady. Qazirgi tańda sharýashylyq 100 bıeni saýyp, kúnine 500 lıtr bıe sútinen daıyn ónim jasap shyǵarýda.
Aqtoǵan aýylynyń týmasy Danııar Ábdirazaq oblystyq «Atameken» kásipkerler palatasynyń qoldaýymen lımon ósirýmen aınalysyp jatyr. Atalǵan azamat qaıtarymsyz eki jarym mıllıon grant utyp alyp, óz jylyjaıynda otyrǵyzylǵan 600 túp qııarynyń arasyna 30 túp lımon egip, oblysymyzda alǵashqylardyń biri bolyp osy kásipti óz qolyna alyp otyr.
Aqermen aýyldyq okrýginiń turǵyny Sáken Máýtenov qus sharýashylyǵymen birneshe jyldan beri aınalysyp keledi. Kásipker 1000 broıler balapan kezinde Merkiden 260 teńge, al Almatydaǵy qus fermalarynan 180 teńgeden alǵan bolatyn. Jalpy, 1000 taýyqtan 2,5 tonna qus etin alyp, 4 aıda 1 mln. teńge tabys tabady.
Merki aýylynda ornalasqan «Mınasıp» sharýa qojalyǵynyń jetekshisi Alısultan Ahmetov «Yrys» nesıeleý baǵdarlamasy arqyly 4 paıyzben nesıe alyp, sút sharýshalyǵyn damytyp otyr. Qazirgi tańda ol 100 bas saýyndy sıyrdan kún saıyn 2 tonna sút óndiriletinin aıtady. Sharýashylyq olardan túsken súttiń ár lıtrin 82 teńgeden «Merki irimshik zaýytyna» ótkizedi. Sharýashylyqta 8 jumysshy qyzmet etedi.
«Jas kásipkerlerdi» qoldaý baǵdarlamasymen qaıtarymsyz 505 myń grant alyp, Dáýlet Naǵymet men Rınat Ómirálıev «Kerýen» saýda úıinde kıimge jazý, sýret salatyn ortalyq ashty.
"ADYRNA"
ulttyq portaly
