Almaty qalasy Zerdeli yqsham aýdanyndaǵy (burynǵy Alǵabas-6) 179 úı qısaıyp, kórshiler syrtta dúrligip júr.
«Qoljetimdi baspana» memlekettik baǵdarlamasy boıynsha 2013 jyly Almatynyń «Zerdeli» yqsham aýdanynda paıdalanýǵa berilgen №179 úıde barlyǵy 72 páter bar. Kún sanap úıleriniń shalqaıyp bara jatqanyn baıqaǵan turǵyndar quzyrly oryndardan kómek suraǵan bolatyn. Biraq, búgin kún bata úı qısaıǵannan qısaıyp, turǵyndar kóshege qashyp shyqqan.
Kórshiler tarapynan táýelsiz tekserý nátıjesi 34 sm bolsa, ákimshiliktiń tekserisi 1 sm ǵana kórsetip tur.
Jer astynan saraptama úshin topyraq alynǵanda úı batpaqta turǵany anyqtalǵan. Bul da turǵyndar ómirine óte qaýipti jaǵdaı ekenin aıǵaqtaıdy.
Buryn Alǵabas dep atalǵan yqsham aýdanda buǵan deıin mundaı jaǵdaı 2016 jyly oryn alǵan. Ol kezde 9 qabatty úı 32 santımetrge qısaıǵan. Al 2017 jyly taǵy bir ǵımaratta osyndaı belgiler anyqtalǵan. Keıin quzyretti organdar bul nysandardyń irgetasyn qataıtyp, turǵyndardy qaıta úılerine kóshirgen bolatyn. Biraq, turǵyndar batpaqtyń ústine ornatylǵan úı dep sanaıtyn bul úı sonda da ońalmapty.
[video width="848" height="480" mp4="https://adyrna.kz/content/uploads/2019/12/whatsapp-video-2019-12-13-at-20.42.06.mp4"][/video]
"10-shy jeltoqsanda biz MChS-qa zvondadyq. Úıdiń qısaıǵany týraly aıttyq. Olar keldi de kórdi de ketti. Erteńinde keldi de ólshedi de 1 santımetr jyljydy dedi. Biz ózimiz ólshegende 34 santımetr jyljypty. Olar qaǵazǵa az etip kórsetip jazyp jatty, biz olarǵa myna jerde 0,5 emes qoı 7 santımetr degen kezde olar túzep jazyp jatty. Osy kúnge deıin naqty qansha santımetr qısaıǵanyna naqty eshkim jaýap bergen joq. Topyraqtyń qorytyndysyn alyp jatqan adamdarmen sóıleskenimizde mynaý jaqsy emes, jeti metrden sý shyǵyp jatyr dedi. Óte qaýipti dep aıtty. Biz úıdiń qısaıǵanyn bólmelerdiń esiginiń ashylyp qala beretininen baıqadyq. Sosyn baspaldaqtar asfaltpen aralyqta ashylyp ketipti" deıdi osy úıdiń turǵyny Bınııazov Mereı.
Taǵy bir turǵyn Álimjanova Elmıranyń aıtýynsha baspaldaqtyń arasyndaǵy tesik bir kúnniń ishinde saýsaq sııatyndaı bolǵan. "Biz tóbege kóterilgende kabelderdiń tartylyp turǵanyn baıqadyq. Osydan eki kún buryn jýrnalıster kelgende sol kabelderden spokoıno attap júrgenbiz. Úıdiń qısaıǵany jaı kózge de baıqalyp tur. Al, ákimdiktiń aıtqan ıfrlary myna úıdiń jaǵdaıymen sáıkes kelmeıdi. Biz MChS-qa zvondaǵanda bizge ekinshi retinde bylaı jaýap berdi. "Ne nado provokaııa jasap. Senderdiń úıleriń jaıly eshqandaı dokýment túsken joq. Al, ony kim beredi? Qudaıǵa shúkir bárimizde kóz bar. Kóremiz. Alańdaımyz. Bul jerden jas otbasylarǵa úı berildi. Qýanyp kirdik osy úıge. Biz basqalaı shyqqymyz kelmeıdi osy úıden. Bizdi qoldaýlaryńyzdy suraımyz" degen Elmıranyń sózin turǵyndar bir aýyzdan qoldady.
[video width="848" height="480" mp4="https://adyrna.kz/content/uploads/2019/12/whatsapp-video-2019-12-13-at-20.42.06-1.mp4"][/video]
Oqıǵa ornyna kelgen Almaty qalasy ákiminiń orynbasary jurtty sabyrǵa shaqyryp, ózi de kóppen birge osy úıde qonatynyn málimdedi. Qazir ózi qalaǵan bir páterde ákim orynbasary qonýǵa qaldy.
"Adyrna" ulttyq portaly
