Qazaqstannyŋ Tūŋǧyş Prezidentı Nūrsūltan Nazarbaev 2019 jyldy jastar jyly dep jariialaǧany belgılı. Elbasynyŋ jastarǧa köŋıl bölıp, biylǧy jyldy jastar jyly dep jariialauy tegın emes. Öitkenı memleket tarapynan jastarǧa zor qoldau qajet.
Jambyl oblysy äkımdıgı jastar jylyna orai jastardyŋ käsıpkerlıkpen ainalysuyna airyqşa nazar audaryp otyr. Onyŋ jarqyn bır dälelınıŋ bırı – Şu audanynyŋ tūrǧyny Nauryzbek Ahmetovtyŋ «Biznestıŋ jol kartasy – 2020» baǧdarlamasy arqyly öz käsıbın bastap otyruy bolsa kerek. Jastar jylyna orai ol arnaiy joba ūsynyp, 2 mln. 500 myŋ teŋge ūtyp alǧan. Atalǧan qarjyǧa ol audany 250 şarşy metr bolatyn jylyjai salyp, bır azamatty jūmyspen qamtyp otyr.
«Jylyjaida kök piiaz, salat japyraqtary men ukrop önımderın ösırıp otyrmyn. Atalǧan kökönısterdı jaŋa jylǧa deiın kütıp baptap, halyqqa satamyn. Osy önımderdı ösırıp bolǧan soŋ jylyjaiymda qiiar ösırudı josparlap otyrmyn. Sebebı özderıŋızge belgılı qiiarǧa degen sūranys öte joǧary. Onyŋ üstıne qiiardy erte köktemde şyǧaratyn bolsam, onyŋ baǧasy da jaqsy bolady. Osy ısımdı bastauǧa kömektesken jergılıktı basşylarǧa alǧysymdy jetkızgım keledı. Sebebı olar menıŋ köpten berı armandap jürgen ısımdı bastauǧa kömektestı. Al qūrby-qūrdastaryma aitarym, bır ıstı bastaimyn dep talpynsaŋ, memleket tarapynan qoldau aluǧa bolady. Sondyqtan da jastar men siiaqty elımızdegı baǧdarlamalardy zerttep, köp oilanbai öz ısın bastap ketuı kerek», – deidı ol
Qazırgı taŋda Nauryzbek Ahmetov bır adamdy jūmyspen qamtyp otyr. Eger ol «Biznestıŋ jol kartasy – 2020» baǧdarlamasy arqyly alǧan qarjysyn tiımdı igerse, bolaşaqta ondaǧan adamdy jūmyspen qamtityndai ülken jylyjai salǧysy keledı. Sondai-aq ol belgılır mekemede bolar bolmas jalaqyǧa kün körgenşe, öz betıŋşe äreket etken jön ekenın aitady.
Nauryzbek Ahmetov oiyn Böltırık şeşen auylynyŋ tūrǧyny Dias Qanafinde qoldaidy. Biyl jastar jyly jariialanǧan grantqa qatysyp, 1 mln. 200 myŋ teŋge ūtyp alǧan. Atalǧan qarjyǧa jylyjai salyp, saŋyrauqūlaq ösırudı közdep otyr. 120 şarşy metr bolatyn jylyjaidy mamyr aiynda ıske qosatynyn aitady.
«ADYRNA»
ūlttyq portaly
