Keshe Almaty qalasynda, Jetisý aýdany ákimdiginiń qoldaýymen, dzıýdodan halyqaralyq dárejedegi sport sheberi Jumahanov Eldostyń júldesine arnalǵan respýblıkalyq týrnır ótti. Jarysqa 2007-2008 jyly týǵan jasóspirimder qatysty.
Týrnırge, Nur-Sultan qalasynan, Mańǵystaý oblysynan, Shyǵys Qazaqstan oblysynan, Qaraǵandy oblysynan, Qostanaı kalasynan, Taraz kalasynan, Almaty oblysynan jáne Almaty qalasynan jalpy sany 27 komanda qatysyp, 250 sportshy baq synady. Baıraqty básekege Eldostyń týǵan jeri ShQO, Tarbaǵataı aýdany, Jana-aýyldyń balǵyn dzıýdoshylary arnaıy kelip qatysty.
Almaty qalasy, Jetisý aýdanynyń ákimi, belbeý kýresinen «Halyq Barysy», qazaq kúresinen «Almaty Barysy» Qıqymov Maqsat Sákenuly,
Qazaqstan Respýblıkasynyń eńbek sińirgen jattyqtyrýshysy, Jumaqanov Eldostyń jeke bapkeri Qalıev Seıdolla, dzıýdodan álem chempıony Maksım Rakov, dzıýdan Eýropa Kýbogynyń jeńimpazy Orazalın Nurlan, dzıýdodan «Temır Dos» sport kesheniniń aǵa jattyqtyrýshysy Aıazbekov Dúısen, Jańa-aýyldan dzıýdo jattyqtyrýshysy Birjan Kópjasarov jarystyń qurmetti qonaqtary boldy.
Jarys qorytyndysy boıynsha jalpy komandalyq esepte:
1-shi orynǵa Almaty oblysy, Qarasý sport klýby komandasy ıe boldy.
2-shi orynǵa Qaragandy oblysynyń komandasy taban tiredi.
Júldeli 3-shi orynmen Almaty qalasynyń, «Lashyn» sport klýby marapattaldy.
Týǵan jeri Jańa-aýyl sport zalyna Eldos Jumakanov óz atynan 10 kımano syıǵa tartty.
Jarys jeńimpazdaryna, medal, kýboktar, aqshalaı syılyqtar men baǵaly syılyqtar tabys etildi.
Osy jarystyń ótýine uıytqy bolǵan Jetisý aýdanynyń ákimi Qıqymov Maqsatqa, jarysqa demeýshi bolgan kásipker azamattar: Almas Muqajan men Marat Ospanǵa Eldostyń ata-anasy otbasynyń atynan alǵys bildirdi.
"Adyrna" ulttyq portaly
