Keşe Almaty qalasynda, Jetısu audany äkımdıgınıŋ qoldauymen, dziudodan halyqaralyq därejedegı sport şeberı Jūmahanov Eldostyŋ jüldesıne arnalǧan respublikalyq turnir öttı. Jarysqa 2007-2008 jyly tuǧan jasöspırımder qatysty.
Turnirge, Nūr-Sūltan qalasynan, Maŋǧystau oblysynan, Şyǧys Qazaqstan oblysynan, Qaraǧandy oblysynan, Qostanai kalasynan, Taraz kalasynan, Almaty oblysynan jäne Almaty qalasynan jalpy sany 27 komanda qatysyp, 250 sportşy baq synady. Bairaqty bäsekege Eldostyŋ tuǧan jerı ŞQO, Tarbaǧatai audany, Jana-auyldyŋ balǧyn dziudoşylary arnaiy kelıp qatysty.
Almaty qalasy, Jetısu audanynyŋ äkımı, belbeu kuresınen «Halyq Barysy», qazaq küresınen «Almaty Barysy» Qiqymov Maqsat Säkenūly,
Qazaqstan Respublikasynyŋ eŋbek sıŋırgen jattyqtyruşysy, Jūmaqanov Eldostyŋ jeke bapkerı Qaliev Seidolla, dziudodan älem chempiony Maksim Rakov, dziudan Europa Kubogynyŋ jeŋımpazy Orazalin Nūrlan, dziudodan «Temir Dos» sport keşenınıŋ aǧa jattyqtyruşysy Aiazbekov Düisen, Jaŋa-auyldan dziudo jattyqtyruşysy Bırjan Köpjasarov jarystyŋ qūrmettı qonaqtary boldy.
Jarys qorytyndysy boiynşa jalpy komandalyq esepte:
1-şı orynǧa Almaty oblysy, Qarasu sport kluby komandasy ie boldy.
2-şı orynǧa Qaragandy oblysynyŋ komandasy taban tıredı.
Jüldelı 3-şı orynmen Almaty qalasynyŋ, «Laşyn» sport kluby marapattaldy.
Tuǧan jerı Jaŋa-auyl sport zalyna Eldos Jūmakanov öz atynan 10 kimano syiǧa tartty.
Jarys jeŋımpazdaryna, medal, kuboktar, aqşalai syilyqtar men baǧaly syilyqtar tabys etıldı.
Osy jarystyŋ ötuıne ūiytqy bolǧan Jetısu audanynyŋ äkımı Qiqymov Maqsatqa, jarysqa demeuşı bolgan käsıpker azamattar: Almas Mūqajan men Marat Ospanǧa Eldostyŋ ata-anasy otbasynyŋ atynan alǧys bıldırdı.
"Adyrna" ūlttyq portaly
