İmanǧali Tasmaǧambetov qajylyqqa (Umraǧa) – saiasi küresten qajyp, ruhani demeu ızdep, şarasyzdyqtan barǧan cekıldı bolyp körındı özıme. Äleumettık jelını şarlap ketken älgı suretınde, qajylyqqa ony bıreu süirep aparǧandai bolyp sostiyp qalypty. Öŋı solǧyn, köŋılsız tūr. Bet älpetınde sarai maŋyndaǧy bolyp jatqan intriganyŋ taby baiqalady. Negızı, saiasatta jürgen adamdardyŋ köbı mūndai närsege bara bermeidı. Keşe ǧana komsomoldyŋ 100 jyldyǧyn atap ötıp, sonyŋ bel ortasynda jürgen adamnyŋ aiaq asty mūndai qadamǧa baruyna basqa ne türtkı boluy mümkın? İä, ol «mereitoiǧa» da öz erkımen barmaǧany körınıp tūr ǧoi. Aǧamyz umraǧa attanyp bara jatqanda, myna jaqtaǧa bar problemasyn auyr jük qylyp, özımen bırge sol jaqqa ala barǧan. Öitkenı, sonda bara salysymen ınısı de bırden tergeuge alyndy. Qajylyqqa barudy būrynnan josparlaǧan boluy da mümkın. Bıraq ony soŋǧy kezdegı basynan ötıp jatqan jaǧdailar tezdetıp jıbergen sekıldı. Qajylyqtan tynyştyq ızdep, kışkene bolsyn ruhani demeu alyp qaitqysy keldı me eken, kım bılsın?! Şeşesı qaitys bolǧanda, bükıl aqyn-jazuşylar men sportşylarǧa deiın köŋıl aityp bardy. Aqşasyn tölep, charterlık reispen bärın bır-aq alyp barǧan ǧoi deimın. Tıptı, «Asyl arnanyŋ» bükıl saimanyn süiretıp, änşeiınde aǧamyzben joly tüiıse bermeitın Mūhamedjan Tazabekke deiın sonda jür. Mūhaŋ endı «aqyretın» (bolaşaǧyn) oilap barǧan ǧoi. Otbasynyŋ maŋynda bolyp jaqtan saiasi intriga anasyna qatty äser etkendei bolyp körındı. Bır kısıler qazany sonymen bailanystyrypty. Jaŋadan qūrylǧan bır partiiaǧa qoldau bıldırgen degen sybys ta şyǧyp jatyr. İmekeŋ qazır ne ısterın bılmei, qatty oi üstınde jürgen siiaqty..
Amanǧali Rahmet
İnternet iırımınen
