Şymkenttık «Ordabasy» komandasy Euro kuboktyŋ 2020/21 jylǧy mausymynan quyldy. 2021/22 mausymda Europa kubogyna qatysuǧa joldama ūtyp alsa da qatysa almaityn boldy dep habarlaidy UEFA-nyŋ resmi saity.
Qazaqstandyq klub Fair Play qarjylyq erejelerın būzǧany üşın jazalanyp, 100 myŋ euro kölemınde aiyppūl salyndy. «Ordabasy» 2021 jylǧy 31 qaŋtarǧa deiın 2019 jyldyŋ 30 qyrküiegıne keşıktırılgen kreditorlyq bereşekterın tölegenın däleldei alsa, jazadan bosatylady.
«Ordabasy» komandasymen bırge sloveniialyq «Olimpiia» komandasyna qarjylyq Fair Play erejesın būzǧany üşın 75 myŋ euro, al serbiialyq "Srvena Zvezdaǧa" 50 myŋ euro aiyppūl salyndy.
«Ordabasy» kelesı jazda LE-de oinamaidy. Şymkenttık klub QPL-2019 turnirınde qostanailyq «Tobyldy» basyp ozyp, qola jüldeger atanǧan bolatyn.
Esterıŋızge sala ketsek, 2018 jyly da «Ordabasy» salyq qaryzy üşın Europa Ligasynannan şyǧarylyp, şymkenttıkterdıŋ ornyna euro bäsekede «Tobyl» oinaǧan bolatyn.
"Adyrna" ūlttyq portaly
