(nemese «Garantiia» filmınen keiıngı oi)
Soŋǧy kezderı kino tüsıru jeke bizneske ainalyp kettı. Rejisserler kinony el qamy üşın tüsırmei, qalai jaqsy paida tabam dep, qalai reitingtı arttyram dep bas qatyrady. Soǧan qaramastan, öz körermenderıne tälım-tärbie berıp, qazırgı zamannyŋ dertıne ainalǧan mäselelerdı qozǧaudy maqsat tūtatyn rejisserlerdıŋ bar ekenıne közım jettı. Türkıstan oblysynyŋ «Jastar resurstyq ortalyǧy» jyl saiyn jastarǧa arnalǧan ülgı-önegelık, tärbielık mänı bar filmderdı körermenderdıŋ nazaryna ūsynuda. Jastardy kino arqyly tärbielep jürgen rejisserlerdıŋ bırı Serık Talasovtyŋ «Garantiia» filmı körermenderdı tebırentıp, köŋılderıne tereŋ oi saldy. Serık Talasov 2013 jyly «Jaŋǧyryq» atty filmımen köpşılıkke tanylǧan edı. Qazırgı taŋda «Janūia», «Boijetken», «Hellou auyl» filmderı men «Baryŋdy baǧala!», «Ämiian», «Bailyq», «Ötelmes boryş», «Ūstaz» syndy qysqa metrajdy kinotuyndylary köpşılıktıŋ yqylasyna bölenude. Serık Talasovtyŋ «Garantiia» filmınıŋ basty artyqşylyǧy – kino taza qazaq tılınde tüsırılgen. Ärine, arasynda bıreŋ-saraŋ jastardyŋ qoldanyp jürgen jargon sözderı men «arzymaidy» degen dialekt söz, orys tılındegı sözder kezdesıp qalady. Bälkım, jastarǧa arnalǧan film bolǧandyqtan solai ädeiı kırıstırdı me eken? Rejisserdıŋ aituynşa, film tüsıruge memleketten qomaqty qarjy bölınbegendıkten, qiyndyqtar köp tuyndaidy. Mysaly, «Aliment» qysqa metrajdy filmın tüsırude ssenarist bolmaǧan, al eŋ alǧaşqy «Jaŋǧyryq» filmın tüsıru üşın bar bolǧany 230 myŋ teŋge jūmsalǧan eken. Qarjy jetıspese de, kino tüsırude rejisserdıŋ ızdenısı men eŋbegıne, aqyldylyǧyna täntımın.
«Garantiia» filmı – tärbielık mänı zor, köpşılıkke jetkızer oiy tereŋ körkem kinotuyndy. Filmde özektı problemalar qozǧalyp, äleumettık mäseleler qamtylǧan. Film baqytsyzdyqqa duşar bolǧan, berekesı men qūty qaşqan otbasy jaily. Basty mäsele – ene men kelınnıŋ arasyndaǧy qarym-qatynas, kündelıktı ūrys-kerıs, tüsınıspeuşılık. Äkenıŋ jary men anasynyŋ qarym-qatynasy, balasynyŋ tärbiesıne nemqūraily qarauy. Otbasyn süttei ūiytyp, üidıŋ yryzdyǧyn keltıretın ana emes pe? Ene men kelınnıŋ arasyndaǧy syilastyq, süiıspenşılık otbasynyŋ barlyq müşesınıŋ köŋıl-küiıne äser beredı. Film mūnymen qatar, elımızdegı mäselenıŋ barlyǧy para arqyly şeşımın tauyp jatqandyǧyn da batyl beineleidı. Basty rölderdı Safaralieva Ūljalǧas, Sarypbekova Jäudır, Nūrman Ruslan, Omarov Oljas, Qalybaev Ǧalymjan jäne tanymal jaidarmanşy Ūlan Mamyrbekūly somdaidy. Ūlan Mamyrbekūly filmde de özınıŋ beinesıne ūqsas köŋıldı, aşyq-jarqyn, äzılkeş «Ūlan» atty keiıpkerdıŋ rölın oinaidy. Serık Talasovtyŋ ärbır tuyndysy körermen üşın qymbat, qazırgı zamanda jastardyŋ tärbiesı jaily filmder auadai qajet ekenı – uaqyttyŋ ūşqyr talaby. «Garantiia» filmı arqyly otbasynyŋ baqytty boluy üşın ärbır otbasy müşesı jauapkerşılıktı öz moinyna alyp, jūmyla küresuı kerek, bır-bırıne qoldau körsetıp, qiyn sätterde bırın-bırı qoltyǧynan demep, tüsıne bıluı qajet ekenın ūqtym. Serık Talasovtyŋ şyǧarmaşylyq jūmysyna sättılık tılep, jaŋa tuyndylarynyŋ jaryq köruın asyǧa kütemın. Memleket Serık Talasov syndy rejisserlerge ülken senım artyp, qomaqty qarajat bölse, ol kısınıŋ eş ökınbeitındei qūndy dünielerdı körermenderge tartu etetınıne közım äbden jetedı.
Aisūlu Sezhan,
Abai atyndaǧy orta
mektep-gimnaziiasynyŋ
11-synyp oquşysy.
Ǧylymi jetekşısı: Jidegül Äbdıjädılqyzy
