Äl-Farabi atyndaǧy Qazaq ūlttyq universitetınde jyl boiy ötkızılıp kele jatqan «Ana tılı» aruy» baiqauynyŋ qorytyndy synaǧy boldy. Oǧan oqu ornynyŋ barlyq fakultetterınen ırıktelıp alynǧan 14 aru qatysty.
Baiqau aldynda söz söilegen universitettıŋ tıl jäne tärbie jūmysy jönındegı prorektory Şolpan Jamanbalaeva mūndai şaralardyŋ tärbielık, taǧylymdyq mänı zor ekendıgıne nazar audardy.
Arular «Tanystyru», «Poeziialyq kompozisiia», «Sän ülgısı», «Sūraq-jauap», «Önerım – önerım» taqyryptary boiynşa synǧa tüstı. Aita ketken jön, baiqauǧa qatysuşylar būl kezeŋge öte joǧary daiyndyqpen kelıptı. Sol sebeptı de qazylar alqasyna jüldegerdı anyqtau oŋai timedı. Qyzdar san qyrly talant ielerı bolyp şyqty. Olardyŋ arasynda änşı de, bişı de, suretşı de, sportşy da… bar.
Jurnalistika fakultetınıŋ studentı İrina Ten ūlty kärıs bolǧanymen, qazaq qyzynan kem emes öner körsettı. Biologiia fakultetınıŋ studentı Meruert Donbaevanyŋ känıgı bişılerden eş kemdıgı joq. Şyǧystanu fakultetınıŋ studentı Tolqyn Myrzakimovanyŋ tılge arnalǧan öleŋı jinalǧan qauymǧa oi saldy. Qyzdardyŋ erekşe qasietterı jaily osylai jalǧastyra beruge bolady.
Sonymen qorytyndy sät te kelıp jettı. Qazylar alqasynyŋ ūiǧarymymen bas jülde önerımen de, sahnadaǧy jürıs-tūrysymen de erekşelengen filologiia fakultetınıŋ studentı Äigerım Äşırälıge berıldı. Bırqatar arularǧa nominasiialar boiynşa diplomdar, baǧaly syilyqtar tapsyryldy.
Ş.Nūrsūltanqyzy,
«Ana tılı»
