Osy aptada barşa mūsylman qauymmen bırge Maiqūdyqtaǧy Bala qajy atyndaǧy meşıtte jūma namazǧa qatystyq. Dästürlı uaǧyzdan keiın, Almatydaǧy qaiǧyly ūşaq apatynan oqysta qūrban bolǧan jandarǧa dūǧa baǧyştaldy.
Aitaiyn degenımız, namaz arasynda meşıt imamy köpşılık jinalǧandarǧa - « 5 qaŋtar, saǧat 19:00 de Qaraǧandy qalasyndaǧy Serık Säpiev atyndaǧy boks ortalyǧynda Mūhamed Ǧ.S. tuǧan künı Mäulıt meiramy atap ötıledı. Paiǧambarymyzdy ūlyqtaityn aituly şaraǧa qatysu üşın meşıtten 1000 teŋgege bilet satyp alyŋyzdar»-dep habarlandyru jasady.
Nege Qaraǧandyda basqa - öŋırlerden özgeşe, jylyna bır toilanatyn Mäulıt meiramyna mūsylman qauym aqşa tölep kıruı kerek? Alla razylyǧy üşın şarany nege tegın ūiymdastyrmasqa? Būl degenımız qaraşa halyqty tonau ǧoi. Sol aqşany töleuge köpşılıktıŋ şamasy kele bermeidı. Äsırese, künkörısı tömen, az qamtylǧan otbasy müşelerı. Oblystyŋ ökıl imamy Ömırzaq qajy Bekqoja myrza būl tırlıkke ne dep jauap beresız? Mäulıt meiramyn köru üşın aqşa tölegennen basqa, meşıtterımızge Allaǧa şükır zeket, sadaqasyn, qarjylai kömegın aiamai berıp jatatyn jomart jandar jeterlık. Sol az boldy ma? Jamaǧatty qanaudy qoisanyzdar? Mäulıt meiramy, halyq meiramy sipatynda ötuı qajet, Al oǧan qatysu ärbır mūsylmanǧa qoljetımdı, tegın boluy tiıs.
Darhan UÄLİEV,
QR Jurnalister Odaǧynyŋ müşesı,
Qaraǧandy qalasy.
