Reuters
AQŞ prezidentı Donald Tramp amerikalyq äskeriler ornalasqan İraktaǧy äskeri bazalaryna İrannyŋ jasaǧan zymyran şabuylyna qatysty mälımdeme jasap, ūltqa ündeu aitty. Prezidenttıŋ söilegen sözın telearnalar, sonyŋ ışınde RT tıkelei efirde taratty.
"Men Prezident lauazymynda bolǧan kezımde İran iadrolyq qaruǧa ie bola almaidy", - dedı Tramp öz ündeuınıŋ basynda.
Onyŋ aituynşa, AQŞ Tegeranǧa qatysty qataŋ ekonomikalyq sanksiialar engızıp jatyr. İran özınıŋ mınez-qūlqyn özgertpeiınşe saknsiialar öz küşınde qalady. Būdan ärı prezident İraktaǧy bazalar boiynşa İrannyŋ soqqysy saldarynan amerikalyq äskeri qyzmetşılerdıŋ eşqaisy zardap şekpegenın jäne şyǧynǧa ūşyramaǧanyn atap öttı.
"Bırde-bır amerikalyq şabuyl saldarynan qaza bolǧan joq jäne zardap şekken joq. Bızdıŋ barlyq äskeri qyzmetşı qauıpsız jerde", - dedı Tramp.
Ol şabuyl saldarynan zaqym az bolǧanyn aitty. AQŞ prezidentınıŋ aituynşa, "İran şegındı, būl bükıl älem üşın jaqsy".
"Bızdıŋ ūly Qaruly Küşterımız barlyǧyna daiyn. İran mūny tüsınedı. Älem üşın būl öte jaqsy belgı", - dedı ol.
Teleefirde Tramp Amerikanyŋ "ülken jäne quatty" zymyrandary bar ekenın atap öttı. "Bızdıŋ zymyrandarymyz ülken, quatty, däl, ölım qūştyratyn ärı jyldam. Köptegen giperdybys zymyrany qūrastyrylady. Bıraq bızde osyndai keremet qaru-jaraq bary olardy paidalanuymyz kerek degen söz emes", - dedı Tramp.
Onyŋ pıkırınşe, "Amerikanyŋ äskeri jäne ekonomikalyq quaty Tegeranǧa qarsy eŋ jaqsy tejeuşı faktor".
Tramp basqa da derjavalarǧa, atap aitqanda Ūlybritaniia, Germaniia, Fransiia, Qytai jäne Resei İranǧa bailanysty mäselelerdı şeşude belsendı röl atqaratyn uaqyt kelgenın mälımdedı. Būl tūrǧyda Tramp İranmen būryn jasalǧan iadrolyq kelısımdı qaita synǧa aldy. Aq üi basşysy Reseidı jäne basqa da bırqatar eldı İrannyŋ iadrolyq baǧdarlamasy boiynşa bırlesken keşendı ıs-qimyl josparynan bas tartuǧa, al onyŋ ornyna Tegeranmen jaŋa iadrolyq kelısım jasauǧa şaqyrdy.
"Bız İranmen älemdı qauıpsız jäne beibıt etetın kelısım jasau baǧytynda jūmys ısteuımız kerek", - dedı ol.
Taiau Şyǧystaǧy oqiǧalardyŋ endıgı jai-küiıne qatysty Tramp İrannyŋ şegınuı mümkın ekenın aitty. Sonymen qatar, Prezident İrannyŋ mınez-qūlqy özgergen jaǧdaida İran halqy men memleket aldynda jarqyn bolaşaq aşylyp, örkendeitının atap öttı.
Eske salaiyq, İran generaly Kasem Suleimanidıŋ Baǧdatta amerikalyq küşterdıŋ äue soqqylarynan qaza tabuynan keiın İran 8 qaŋtarda İraktaǧy ekı amerikalyq äuebazaǧa şabuyl jasap, "Azap şeguı Süleimani" operasiiasynyŋ bastalǧanyn jariialady. AQŞ nysandaryna qarata "jer - jer" klasyndaǧy ondaǧan zymyran ūşyryldy.
Şabuyl nätijesınde Ein-äl-Asad äuebazasynda ornalasqan bırneşe joiǧyş ūşaq zaqymdaldy. Basqa aqparattarǧa sensek, bırneşe ūşaq joiylǧan. İrannyŋ Press TV telearnasy 80 adamnyŋ qaitys bolǧanyn habarlady.
Derekközı: Tengrinews.kz
https://kaz.tengrinews.kz/world_news/tramp-irannyin-sokkyisyina-katyistyi-malmdeme-jasadyi-304032/
