Toqaev: Semei qalasy - tarihi ortalyq bolady

"Semei öŋırı – qazaq tarihyndaǧy kielı ölkenıŋ bırı. Sondyqtan eldıŋ ruhani damuynda erekşe orny bar Semei qa­lasyn tarihi ortalyq retınde belgı­legen jön. Ūly Abai men Şäkärım­nıŋ, Mūhtar Äuezovtıŋ kındık qany tam­ǧan öŋır airyqşa qūrmetke laiyq. Osy­ǧan orai şahardy äleumettık-eko­no­mi­kalyq tūrǧydan keşendı türde damy­typ, ondaǧy tarihi-mädeni nysandar­dy jaŋa talapqa sai jaŋǧyrtamyz. Ükı­metke būl mäselege bailanysty tiıstı şaralar qabyldaudy tapsyramyn. Mereitoi jyly aiasynda Abaidyŋ qasterlı mekenı – äigılı Jidebaidy abat­tandyryp, ūly aqynnyŋ ruhyna taǧ­zym etuge keletın jūrtşylyqqa qolai­ly jaǧdai jasau qajet. Sonymen qatar Abaidyŋ «Jide­bai-Börılı» memlekettık tarihi-mä­deni jäne ädebi-memorialdyq qoryq-muzeiıne erekşe köŋıl bölıp, ǧylymi-tanymdyq jūmystarmen ainalysatyn ortalyqqa ainaldyru kerek. Jidebaida muzeige arnaiy laiyq­talǧan «Abai mūrasy» atty jaŋa ǧi­marat salu qajet. 1918 jyly Semei qalasynda Mūhtar Äuezov pen Jüsıpbek Aimauytov negı­zın qalaǧan, 1992 jyldan berı qaita şyǧa bastaǧan «Abai» jurnalyna memleket tarapynan qoldau körsetu kerek. Osy jäne basqa da auqymdy şaralar ūly Abaidyŋ ruhyna taǧzym etıp, onyŋ mol mūrasyn därıpteu üşın ötkı­zılmek. Endeşe, bükıl Qazaqstan hal­qyn osy igı bastamaǧa belsene atsa­lysuǧa şaqyramyn".

Prezident Qasym-Jomart Toqaevtyŋ "Abai jäne XXI ǧasyrdaǧy Qazaqstan" maqalasynan.

"Adyrna" ūlttyq portaly