NUR-SULTAN, 11 qańtar – Sputnik. Qazaqstandyq boksshy Baqtııar Eıýbov (14-1-1, 12 KO) qatarynan ekinshi ret jeńildi, dep habarlaıdy Sports.kz. Buǵan deıin ol AQSh boksshysynan upaı sanymen utylǵan bolatyn.
Atlantık-Sıtı qalasynda (AQSh) 33 jastaǵy qazaqstandyq birde-bir ret jeńilmegen amerıkalyq Djaron Ennıspen (24-0, 22 KO) judyryqtasty. Jartylaı orta salmaqtaǵy on raýndtyq jekpe-jekte Ennıs tehnıkalyq nokaýtpen jeńiske jetti. Bar-joǵy tórt raýndqa sozylǵan kezdesýde qazaqstandyq eki ret nokdaýnǵa tústi. Bul jekpe-jektiń úzindisin tómende kórýge bolady.
Eıýbovtyń bul kásipqoı rıngtegi ekinshi jeńilisi: aldyńǵy jekpe-jekte ol taǵy bir amerıkalyq Braıan Sebaloǵa (11-0, 6 KO) tóreshiler sheshimimen ese jibergen bolatyn.Al Ennıs 23-ret nokaýtpen utty. Ol 25 jekpe-jek ótkizip, bárinde jeńiske jetken.
