IIM: Qazaqstanda armian, qyrǧyz jäne reseilık kölıkter jüre almaidy

IIM qazaqstandyqtarǧa armian, qyrǧyz jäne Resei kölıkterıne bailanysty ündeu jasady. QR Işkı ıster ministrlıgı şeteldık esepte tūrǧan kölıktı tırkeuge şaqyrady, - dep habarlaidy Tengrinews.kz tılşısı. Vedomstvonyŋ mälımetınşe, bügıngı taŋda elge Armeniia, Qyrǧyzstan, Belarus jäne Reseide tırkelgen 170 myŋnan astam kölık qūraly jetkızılgen. Armeniia jäne Qyrǧyzstan avtomobilderıne qatysty EAEO-ǧa müşe basqa memleketterdıŋ aumaǧynda olardy paidalanu boiynşa qataŋ şekteuler bar. "Armeniia men Qyrǧyzstanda tırkelgen avtomobilder 2014 jyldan 2020 jyldyŋ 1 qaŋtaryna deiın Qazaqstanǧa kedendık baj salyǧy men salyqtardy tölemei uaqytşa kıruge mümkındık bolǧan. Qazaqstandyqtar üşın osy kezeŋde Qyrǧyzstan men Armeniiada tırkelgen avtokölıktı äkeluge jäne paidalanuǧa tek qana avtokölıktı kedendık deklarasiialau, baj salyǧy men salyqtardy töleu, sondai-aq odan ärı Qazaqstanda avtokölıktı tırkeu kezınde jol berıledı", - dep habarlady IIM baspasöz qyzmetı. Eger qazaqstandyq öz atyna el aumaǧynan tys jerde kölıktı tırkegen bolsa, onda mūndai avtomobil Qazaqstanda satyp alǧannan keiın 10 jūmys künı ışınde barlyq qajettı alym men baj salyǧyn tölep tırkeluı tiıs. Osylaişa, şet memleketterde tırkelgen kölık qūraldaryn Qazaqstanda paidalanudyŋ barlyq yqtimal jaǧdaiy men nysany zaŋda rettelgen. "Belgılengen tärtıpte tırkelmegen avtomobildı jürgızgenı üşın 10 AEK kölemınde aiyppūl salynyp, ūstau sebebın joiǧanǧa deiın aiyppūl salu qarastyrylǧan. Tırkelmegendıkten jürgızuşılerdıŋ jazasyz qalamyn degen oiynyŋ kesırınen 1854 jol-kölık oqiǧasy bolyp, 132 adam qaza tauyp, 500-den astam jaraqat aldy", - dep tolyqtyrdy vedomstvodaǧylar. Sonymen qatar, 2019 jyly kameralar arqyly 90 myŋnan astam erejebūzuşylyq anyqtaldy, jalpy qūny - 1,1 milliard teŋge. Aiyppūldar jyldamdyq rejimın arttyruǧa, belgıler men taŋbalardyŋ talaptaryn saqtamauǧa jäne taǧy da basqaǧa qatysty. "Mūndai avtokölıktı paidalanu faktılerınıŋ jolyn kesu üşın polisiia kedendık jäne salyq organdarymen bırlesıp reid şaralaryn ötkızedı. IIM basqa memleketterdıŋ aumaǧynda avtokölık satyp alǧan qazaqstandyqtardy ony tırkeuge jäne kedendık retteu jäne jol qozǧalysy salasyndaǧy zaŋnamanyŋ būzyluyn öz erkımen joiuǧa şaqyrady", - dep qorytyndylady baspasöz qyzmetı. Būǧan deiın Qazaqstanda jürgenıne bır jyldan asqan armian, qyrǧyz jäne Resei kölıkterı zaŋsyz bolatyny habarlanǧan. Jaqyn arada poliseiler elden "böten" nömırlerı bar avtokölıkterdı şyǧara bastaidy. Oǧan "Jol jürısı turaly" zaŋda jazylǧan şekteuler negız bolatyny aitylady.