IIM qazaqstandyqtarǵa armıan, qyrǵyz jáne Reseı kólikterine baılanysty úndeý jasady. QR Ishki ister mınıstrligi sheteldik esepte turǵan kólikti tirkeýge shaqyrady, - dep habarlaıdy Tengrinews.kz tilshisi.
Vedomstvonyń málimetinshe, búgingi tańda elge Armenııa, Qyrǵyzstan, Belarýs jáne Reseıde tirkelgen 170 myńnan astam kólik quraly jetkizilgen. Armenııa jáne Qyrǵyzstan avtomobılderine qatysty EAEO-ǵa múshe basqa memleketterdiń aýmaǵynda olardy paıdalaný boıynsha qatań shekteýler bar.
"Armenııa men Qyrǵyzstanda tirkelgen avtomobılder 2014 jyldan 2020 jyldyń 1 qańtaryna deıin Qazaqstanǵa kedendik baj salyǵy men salyqtardy tólemeı ýaqytsha kirýge múmkindik bolǵan. Qazaqstandyqtar úshin osy kezeńde Qyrǵyzstan men Armenııada tirkelgen avtokólikti ákelýge jáne paıdalanýǵa tek qana avtokólikti kedendik deklaraııalaý, baj salyǵy men salyqtardy tóleý, sondaı-aq odan ári Qazaqstanda avtokólikti tirkeý kezinde jol beriledi", - dep habarlady IIM baspasóz qyzmeti.
Eger qazaqstandyq óz atyna el aýmaǵynan tys jerde kólikti tirkegen bolsa, onda mundaı avtomobıl Qazaqstanda satyp alǵannan keıin 10 jumys kúni ishinde barlyq qajetti alym men baj salyǵyn tólep tirkelýi tıis. Osylaısha, shet memleketterde tirkelgen kólik quraldaryn Qazaqstanda paıdalanýdyń barlyq yqtımal jaǵdaıy men nysany zańda rettelgen.
"Belgilengen tártipte tirkelmegen avtomobıldi júrgizgeni úshin 10 AEK kóleminde aıyppul salynyp, ustaý sebebin joıǵanǵa deıin aıyppul salý qarastyrylǵan. Tirkelmegendikten júrgizýshilerdiń jazasyz qalamyn degen oıynyń kesirinen 1854 jol-kólik oqıǵasy bolyp, 132 adam qaza taýyp, 500-den astam jaraqat aldy", - dep tolyqtyrdy vedomstvodaǵylar.
Sonymen qatar, 2019 jyly kameralar arqyly 90 myńnan astam erejebuzýshylyq anyqtaldy, jalpy quny - 1,1 mıllıard teńge. Aıyppuldar jyldamdyq rejımin arttyrýǵa, belgiler men tańbalardyń talaptaryn saqtamaýǵa jáne taǵy da basqaǵa qatysty.
"Mundaı avtokólikti paıdalaný faktileriniń jolyn kesý úshin polıııa kedendik jáne salyq organdarymen birlesip reıd sharalaryn ótkizedi. IIM basqa memleketterdiń aýmaǵynda avtokólik satyp alǵan qazaqstandyqtardy ony tirkeýge jáne kedendik retteý jáne jol qozǵalysy salasyndaǵy zańnamanyń buzylýyn óz erkimen joıýǵa shaqyrady", - dep qorytyndylady baspasóz qyzmeti.
Buǵan deıin Qazaqstanda júrgenine bir jyldan asqan armıan, qyrǵyz jáne Reseı kólikteri zańsyz bolatyny habarlanǵan. Jaqyn arada polıeıler elden "bóten" nómirleri bar avtokólikterdi shyǵara bastaıdy. Oǵan "Jol júrisi týraly" zańda jazylǵan shekteýler negiz bolatyny aıtylady.
