"Qazaqtyŋ boztorǧaiy" atanǧan Meirambek Bespaev ne jazsa da älem jelıde hit bolyp jatady. Sebebı, Meirambek te bıledı ne jazu kerek ekenın. Basqa änşıler siiaqty jegen tamaǧyn, kigen kiımın salu Meirambektıŋ ädetınde joq. Sol Meirambek bügın änşılerdıŋ müddesın qorǧap şyqty.
Keşe ǧana Qazaqstan oryndauşylar odaǧynyŋ basqarma töraǧasy bolyp sailanǧan Bespaev eşqaşan joǧary qyzmetke ūmtylmaǧanyn da jasyrmaǧan bolatyn.
"Bügın önerde jürgen barşa ärıptesım ūsynys jasap, bırauyzdan dauystaryn berıp, menı Qazaqstan oryndauşylar odaǧynyŋ (KOUPİS) basqarma töraǧasy etıp sailady. Bıraz jūrt bıledı, qazırgı taŋda būl qoǧamdyq ūiymnyŋ qarjylyq jaǧdaiy naşar, bıraz qūrylymdardyŋ aldynda qaryzy bar, änşıler men än öŋdeuşılerdıŋ aldynda bedelı de tömendep ketken. Bırlestık tarihynyŋ osyndai auyr kezeŋınde ärıptes-dostarym menı basşy qyp sailap otyrǧany - maǧan sengenı dep qabyldap otyrmyn. Ärine, mūndai ūiymǧa jetekşılık etu maǧan ülken jauapkerşılık artatynyn jan-düniemmen jaqsy sezınıp ärı tüsınıp otyrmyn. Men eşqaşan basşylyq qyzmetke ūmtylǧan adam emespın. Mūny bır sahnada jürgen ärıptesterım men qadırlı tyŋdarmandarym da jaqsy bıledı", - dep jazǧan bolatyn.
Bügın Meirambek Bespaev özınıŋ instagramm paraqşasynda belgılı qoǧam qairatkerı Zaǧipa Balievaǧa qarata mälımdeme jasady. Änşınıŋ aituynşa, Balievanyŋ ūly osy odaqty būryn basqaryp, änşılerdıŋ tiesılı aqşasyn bermei kelgen eken. Jaŋadan sailanǧan töraǧaǧa Zaǧipa Balieva qūqyq qorǧau organdary arqyly qysym körsetıp jatsa kerek. Meirambektıŋ sözın qaz qalpynda bereiık.
"Qūrmettı Zaǧipa Iаhiiaqyzy!
Men 2020 jyldyŋ 15 qaŋtar künı Qazaqstan oryndauşylar odaǧynyŋ basqarma töraǧasy bop sailandym. Dauys beruge ūiymnyŋ eŋ joǧarǧy basqaru organy - qūryltaişylardyŋ jalpy jiyny jasaqtaǧan basqarma müşelerınıŋ barlyǧy qatysty. Sailau ötkızuge qajettı kvorum boldy. Barlyq reglament pen zaŋdylyq tolyqtai saqtaldy. Hattama toltyrylyp, menı bas direktor qyzmetıne kırısuım turaly būiryq ta şyǧyp qoidy. Endı kelıp, būrynǧy basşylyq jaŋa basşylyqqa qarsy qoqaŋ-loqqy körsetıp, ärtürlı jaǧymsyz äreketter arqyly qarsylyq körsetude. Būrynǧy basşylyqtyŋ artynda Sızdıŋ ūlyŋyz jäne özıŋız tūr ekensız. Sız zaŋdy türde sailanǧan maǧan, basqarma müşelerıne qysym körsetıp, ärtürlı memlekettık jäne qūqyq qorǧau organdaryna telefon şalyp jatyr ekensız. Mūnyŋyz mülde dūrys emes dep bılemız! Nege sız änşılerdıŋ şaruasyna aralasyp, alaşapqyn bop jatyrsyz?! Bız sony tüsınbei otyrmyz. Būl äreket-qylyǧyŋyz sızdei ülken memleket qairatkerıne jaraspaityn şarua. Änşılerge tiesılı aqşaǧa tek sızdıŋ balaŋyz ielık etu kerek degen oi sızge qaidan kelgen?! Bız öz şaruamyzdy özımız şeşuımız kerek, özımızge tiesılı qarajatty özımız tiısınşe jūmsauymyz qajet. Eŋbekten tüsken qarajat bır qaltaǧa, naqtyraq aitqanda sızdıŋ balaŋyzǧa emes, myŋ qaltaǧa iaǧni maŋdai terımen tauyp jürgen änşıler men än öndeuşılerdıŋ qaltasyna tüsu kerek. Sızden osyndai äreketterıŋızdı toqtatudy talap etemız!" dep jazǧan änşı özınıŋ instagramm paraqşasyna.
Qazaq qoǧamynda öte zor abyroiǧa ie Meirambektıŋ būl mälımdemesıne qatysty Zaǧipa Balieva äzırge jauap qatpady.
Qyzyq endı bastalady. Būl oryndauşylar qoǧamy ǧana. Änşılerdıŋ änı men sözın jazyp berıp jürgen Qazaqstan avtorlar odaǧy (QazAQ) da avtorlardyŋ aqşasyn bermei jatyr dep, odaq müşelerı habarlasuda. olar da bolaşaq ta öz aldyna töraǧa sailamaq körınedı.
"Adyrna" ūlttyq portaly
