Meirambek Besbaev mäjılıs deputaty Zaǧipa Balieva jūmysyna kedergı keltırıp, qysym körsetıp jatqanyn mälımdegen edı
Änşı Meirambek Besbaev deputat Zaǧipa Balievamen aradaǧy jaǧdaiǧa bailanysty kelıssözder jürgızılıp, ortaq şeşımge kelgenderın habarlady. Būl turaly "Sputnik.kz" habarlaidy.
Būl turaly änşı Instagram jelısındegı paraqşasynda jazdy.
"Keşelı berı Qazaqstan oryndauşylary odaǧy maŋyndaǧy örbıgen jaǧdaiǧa bailanysty kelesını habarlaimyn. Bügın ūiymnyŋ būrynǧy basşylyǧymen kezdesu ötkızdım. Ortada qalyptasqan barlyq mäseleler boiynşa kelıssözder jürıp, ortaq şeşımge keldık. Bırınşıden, menıŋ zaŋdy türde basşy retınde ädılet organdarynda tırkeluıme būrynǧy basşylyq eşqandai kedergı keltırmeitın boldy. Ekınşıden, odaqtyŋ basqa ūiymdar men qūrylymdardyŋ aldyndaǧy mındettemelerın būrynǧy basşylyq jäne bız ekı jaqtap şeşetın boldyq", - dep jazdy Besbaev.
Änşınıŋ aituynşa, öz tarapynan ūiymnyŋ bolaşaqtaǧy barlyq jūmysy taza, aşyq jürgızıledı. Qol jetkızılgen taǧy bır kelısım - kei şarualarǧa qatysty būrynǧy basşylyq naqty aqparat berıp otyratyn boldy.
"Bır eldıŋ balalary bolǧandyqtan, sözge toqtaǧan tektı halyqtyŋ ūrpaǧy bolǧandyqtan, bız ortaq mämılege keldık. Sol sebepten, qazaqtyŋ körnektı memleket qairatkerı, qūrmettı apaiymyzǧa qatysty keşe jariialaǧan postymdy alyp tastaimyn. Keşe oryn alǧan mäselenı ary qarau uşyqtyrmai, tez arada şeşıluıne yqpal etken Zaǧipa Iаhiiaqyzyna alǧys aitamyn! Menı qoldap, jyly sözın aiamai jatqan barlyq aǧaiynǧa Alla razy bolsyn", - degen änşı öz jazbasynda.Aita keteiık, Meirambek Besbaev mäjılıs deputaty Zaǧipa Balieva jūmysyna kedergı keltırıp, qysym körsetıp jatqanyn mälımdegen edı. Ol deputattan änşılerdıŋ şaruasyna aralaspaudy talap ettı. Al Balieva özınıŋ eş qatysy joq ekenın aityp, änşınıŋ qoŋyrauyn kütıp otyrǧanyn habarlaǧan bolatyn. Meirambek Besbaev 15 qaŋtarda Qazaqstan oryndauşylar odaǧynyŋ basqarma töraǧasy bolyp sailandy.
