Pavlodar oblysyna jaŋa äkım taǧaiyndaldy

Endı öŋırdı Äbılqaiyr Sqaqov basqarady. Jaŋa äkımdı  QR Premer-ministrı Asqar Maminnıŋ özı äkep tanystyrdy. Äbılqaiyr Baqtybaiūly Sqaqov Pavlodar oblysynyŋ tumasy. 1974 jyly düniege kelgen. Jaŋa qyzmetke taǧaiyndalǧanǧa deiın Qazaqstan Respublikasy Qarjy ministrlıgınıŋ qarjy monitoringı komitetınıŋ töraǧasy qyzmetın atqardy. Mamandyǧy – salyqşy, qarjyger.  Aqmola qarjy-ekonomikalyq tehnikumyn, Şäkärım atyndaǧy Semei memlekettık universitetın, Qazaq qūqyqtanu jäne halyqaralyq qatynastar institutyn, M.V.Lomonosov atyndaǧy Mäskeu memlekettık universitetın tämamdaǧan.  1995 jyldan 2005 jylǧa deiın Pavlodar oblysy boiynşa salyq inspeksiiasynyŋ mamany, salyq inspektory, aǧa salyq inspektory, bölım bastyǧy, Pavlodar qalasy boiynşa Salyq komitetı töraǧasynyŋ orynbasary qyzmetterın atqarǧan. 2005-2006 jyldary Pavlodar oblysy qazırgı Tereŋköl audany boiynşa Salyq komitetınıŋ töraǧasy, 2006-2008 jyldary Pavlodar oblysy Densaulyq saqtau departamentı direktorynyŋ orynbasary, 2008-2010 jyldary Pavlodar oblysy boiynşa Salyq departamentınıŋ Pavlodar qalasy boiynşa salyq basqarmasynyŋ bastyǧy, 2010-2012 jyldary Qostanai oblysy boiynşa Salyq departamentınıŋ bastyǧy bolyp eŋbek etken.  2012-2014 jyldary Qazaqstan Respublikasy Qarjy ministrlıgınıŋ Salyq komitetı töraǧasynyŋ orynbasary, 2014 jyldan 2016 jylǧa deiın Astana qalasy boiynşa Memlekettık kırıster departamentınıŋ basşysy, 2016 jylǧy 1 jeltoqsannan 2019 jyldyŋ säuırıne deiın Qorǧanys ministrınıŋ orynbasary bolyp qyzmet atqardy. 2019 jyldyŋ säuırınen bügıngı taǧaiyndauǧa deiın QR Qarjy ministrlıgı Qarjy monitoringı komitetınıŋ töraǧasy bolyp eŋbek ettı.  «Qazaqstan Respublikasynyŋ täuelsızdıgıne 20 jyl» (2011), «Eren eŋbegı üşın» (2014), Salyq qyzmetınıŋ üzdıgı (2011), Qarjy qyzmetınıŋ üzdıgı (2012), Memlekettık qyzmet üzdıgı (2014) tösbelgılerımen marapattalǧan. Eske sala keteiık, Pavlodar oblysyn būǧan deiın Bolat Baqauov basqarǧan bolatyn. Ol būl qyzmetke 2016 jyldyŋ 25 nauryzynda taǧaiyndalǧan edı. Al 2020 jyldyŋ 15 qaŋtarynda qyzmetın asyra paidalanǧany üşın qamauǧa alyndy.