"Qazaqstan aviasiialyq äkımşılıgı" AQ Bek Air äue kompaniiasyn tekseru kezınde bırqatar talaptardyŋ öreskel būzylǧanyn anyqtady.
Mäselenıŋ mänı
Mamandar äue kompaniiasynyŋ qoldanystaǧy paidalanuşy sertifikatyn mūqiiat tekseru barysynda ūşu jaramdylyǧyna qatysty bırqatar talaptardyŋ būzylǧanyn anyqtaǧan.
Bırınşıden, äue kompaniiasy ūşaqtardyŋ ūşuǧa jaramdylyǧyn baqylaudy tolyq jäne tiıstı esepke almaǧan. Bölşekterdı bır ūşaqtan ekınşısıne auystyru kezındegı körsetkışter tehnikalyq jurnaldardaǧy mälımetterge säikes kelmeidı. Būl Bek Air kompaniiasynda bır ūşaqtyŋ qūramdas bölşegın alyp, ony basqa ūşaqqa ornatu ünemı qoldanylatynyn körsetedı.
Tiısınşe, äue kompaniiasynyŋ qarjynyŋ jetkılıksızdıgınen qosalqy bölşekter aluǧa mümkındıgı joq ekenı belgılı bolǧan.
"Ūşaqtyŋ qozǧaltqyşynan saǧat pen sikldardy baqylauǧa mümkındık beretın seriialyq nömırlerdegı aqparatty körsetetın derekter kestelerı alynyp tastalǧan. Būl qozǧaltqyştardyŋ säikestendırıluı men naqty qanşa saǧat jūmys ıstegenın tekseruge mümkındık bermeidı", – dep habarlady Azamattyq aviasiia komitetınıŋ baspasöz qyzmetı.Taǧy qandai aqaular anyqtaldy Tekseru barysynda äue kompaniiasynyŋ bırneşe ūşaǧynda problemaly qozǧaltqyş tabylǧan. Būl Bek Air ūşaqtary qozǧaltqyştarynyŋ sapasyna kümän tudyrady. Sonymen qatar, Fokker-100 ūşaqtarynyŋ qozǧaltqyştaryn öndıruşı Rolls Royce kompaniiasy osy ūşaqtar Qazaqstanda qoldanysqa berılgennen bastap, olarǧa atalǧan qozǧaltqyştardy kürdelı jöndeuden ötkızu turaly eşqandai ötınış tüspegenın habarlaǧan. Būǧan qosa, Rolls Royce "Qazaqstannyŋ aviasiialyq äkımşılıgı" AQ-ǧa derekter kestelerın aludy talap etetın räsımder joq ekenın jäne qoldanystaǧy ūşaqtardyŋ qozǧaltqyşyna būl ärekettı jasauǧa rūqsat bermeitının mälımdegen. Ükımettık komissiia: Bek Air ūşaǧyna mūz qatuy – onyŋ apatqa ūşyrauynyŋ negızgı nūsqasy
"Almaty äuejaiyndaǧy beinebaqylau kameralarynda jazbalardy zertteu barysynda Bek Air äue kemesınıŋ ūşaqtaryn ūşuǧa daiyndaityn ekipajdyŋ, ädette, äue kemesın paidalanu nūsqaulyǧynda talap etılgendei, ūşaq qanatyn ainala teksermeitını anyqtaldy" – delıngen habarlamada.Fokker-100 ūşaǧyn paidalanu jönındegı nūsqaulyqta ūşaqtyŋ qanaty ärbır ūşudyŋ aldynda tekserıluı tiıs. Tekseru aiaqtalǧasyn ne bolady. Qazırgı uaqytta Bek Air äue kompaniiasyn tekseru jūmystary jalǧasuda. Ol aiaqtalǧannan keiın kompaniia 10 kün ışınde barlyq būzuşylyqtardy joiu üşın "Qazaqstan aviasiialyq äkımşılıgı" AQ-na josparyn ūsynuy tiıs. Eger būzuşylyqtar 6 ai ışınde joiylmasa, paidalanuşy sertifikaty men ūşu jaramdylyǧy sertifikattary kerı qaitarylyp alynady. Äzırge sertifikattardyŋ qoldanyluy belgısız merzımge toqtatylǧan.
informburo.kz
