"Chemodandaryŋyz daiyn bolsyn". Almatylyqtarǧa keŋes berıldı

Aimaqta kez-kelgen uaqytta küştı jer sılkınısı boluy mümkın. Seismologtar Almaty men Almaty oblysynyŋ tūrǧyndaryn «öte qajet chemodandar» daiyndauǧa şaqyrady. Tört kün ışınde oblysta tört dümpu tırkeldı, dep habarlaidy Today.kz KTK-ǧa sılteme jasap. Soŋǧy jer sılkınısı keşe boldy. Onyŋ episentrı oblys aumaǧynda Almatydan 230 şaqyrym jerde boldy. 3 balldyq jer sılkınısın Taldyqorǧan men Tekelı tūrǧyndary sezındı. Mamandar aldaǧy jyldary aimaqta joiqyn jer sılkınısı boluy mümkın ekenın joqqa şyǧarmaidy. Boljam kezeŋdılık gipotezasymen bailanysty. Almaty oblysynda joiqyn jer sılkınısı 100-140 jylda bır ret bolady. Soŋǧy tragediia ötken ǧasyrdyŋ basynda boldy. Sol kezdegı Kemin jer sılkınısı 400-den astam adamnyŋ ömırın qidy. Būl jaǧdaidyŋ qaitalanbauy üşın Seismologiia instituty jer qyrtysynyŋ barlyq auytqularyn mūqiiat qadaǧalap otyrady. «Kez-kelgen uaqytta mūnda osyndai jer sılkınısı boluy mümkın. Osyǧan bailanysty seismologtar ǧana emes,  bız bärımız, memlekettık organdar, seismologtar, Almaty men Almaty oblysynyŋ barlyq tūrǧyndary  daiyn boluymyz kerek. Bız aiaq asty oqys oqiǧalardyŋ boluy mümkın kezeŋde ekenımızdı tüsınuımız kerek» - dedı seismologiia institutynyŋ aimaqtyq seismikalyq zerthanasynyŋ meŋgeruşısı Alla Sadyqova.