Aty ańyzǵa aınalǵan basketbolshy Kobı Braıant tikushaq apatynan qaıtys boldy. Bul týraly TMZ habarlady.
Apat jeksenbi kúni tańerteń bolǵan. Derek boıynsha, Braıant óziniń jeke tikushaǵymen basketbol jattyǵýyna ushyp bara jatqan. "Leıkers" komandasynyń ańyzǵa aınalǵan oıynshysymen birge taǵy segiz adam bolǵan. Apattan keıin eshkim aman qalmaǵan. Qaza bolǵandardyń arasynda Braıanttyń 13 jastaǵy qyzy Djıanna Braıant bar.
Kobı "Los-Andjeles Leıkerstiń" quramynda óner kórsetkennen beri jeke tikushaqpen saıahattap keledi.
Braıanttyń artynda tórt balasy qaldy - Djınna, Natalıa, Bıanka jáne 2019 jyldyń maýsymynda dúnıege kelgen Kaprız.
Kobı Braıant mansabyn 2016 jyly aıaqtaǵan. Ol Ulttyq basketbol lıgasynyń (NBA) juldyzdarynyń oıynyna 18 ret qatysqan. Onyń ishinde qatarynan 17 oıyn.
Bes ret NBA chempıony atandy jáne eki ret úzdik oıynshy atanǵan (MVP). Óz mansabynda 1996 jyldan 2016 jylǵa deıin jalǵasqan sporttyq karerasynda "Los-Andjeles Leıkers" sapynda oınady. AQSh quramasy sapynda 2008 jáne 2012 jylǵy Olımpıada oıyndarynda jeńiske jetken.
Sýretter: ınternet jelisinen alyndy
