The Sun The Sun basylymy Almatydaǵy InterContinental qonaq úıinde óziniń bir jarym jasar qyzyn óltirgen ulybrıtanııalyq er adam Mohamed Barakattyń sýretin jarııalady.
Basylym onyń 22 jastaǵy áıeli, Qazaqstan azamatshasy, Almaty oblysynyń týmasy Madına esimdi qyzben túsken sýretin jarııalaǵan.
The Sun málimetinshe, Mohamed Barakattyń advokaty sotta is "Adam ólimi" babynan "Abaısyzda kisi óltirý" babyna aýystyrylýy keregin aıtqan. Advokattyń sózinshe, bir jarym jasar qyz ákesi onyń ústine abaısyzda qulap, "denesimen basyp qalǵannan keıin" qaıtys bolǵan.
Eger sot bapty qaıta qarastyratyn bolsa, aıyptalýshy 15-20 jyl aralyǵyna nemese ómir boıyna bas bostandyǵynan aıyrylýdyń ornyna úsh jylǵa bas bostandyǵynan aıyrylýy múmkin.
Al qyzdyń anasy Madınanyń advokatynyń aıtýynsha, oqıǵa kezinde qyzdyń anasy bólmede bolmaǵan.
"Ekeýi ursysyp qalǵannan keıin ol dálizge shyǵyp ketken. Ol kúıeýi balany ádeıi ne abaısyzda óltirgenin bilmeıdi. Sheshimdi saraptama shyǵarady", - deıdi advokat Rýslan Djanabaev.
Almatyda er adam balany qylǵyndyryp óltirgen Advokattyń sózinshe, Madına kúıeýimen baılanysta, ony kez kelgen jaǵdaıda túrmege otyrǵyzamyn dep oılap otyrǵan joq. Alaıda ol kúıeýimen kezdese almaı otyr eken. Negizinen bas jaraqattaryn alǵan qyz balany qutqarý múmkin bolmaǵan.
Eske salaıyq, oqıǵa 24 qazanda InterContinental qonaqúıinde bolǵan. Tańǵy saǵat 06:00-de foıede áıeldiń qatty aıǵaılap jylaǵany estilgen. Onyń kúıeýi balany qylǵyndyryp óltirgen.
Bas jaraqattaryn alǵan qyzdy qutqarý múmkin bolmaǵan. Kúdikti - Londonda týǵan 41 jastaǵy Mohamed Barakat, Hong Kong Air Cargo áýe kompanııasynyń ushqyshy. Ol qamaýǵa alyndy.
Tengrinews.kz
