Bügın Almaty äkımdıgınıŋ baspasöz ortalyǧynda QHR-dan şyqqan koronavirustyq infeksiiany qaitaru üşın qaladaǧy medisinalyq qyzmetterdıŋ daiyndyǧyn qamtamasyz etu boiynşa qabyldanǧan şaralar turaly baspasöz konferensiiasy öttı dep habarlaidy "Adyrna" portaly.
Oǧan Almaty qalalyq densaulyq saqtau basqarmasy basşysynyŋ orynbasary Äsel Bisenbaeva jäne tauarlar men qyzmetterdıŋ qauıpsızdıgın baqylau bölımınıŋ bastyǧy Aizat Moldaǧasimova qatysty.
Baspasöz konferensiia barysynda koronavirustyŋ aldyn aluǧa daiyndyǧy turaly aityldy.
"Maskalar men därılerdı jappai satyp aludyŋ qajetı joq. Olar jeterlık. Dürlıgudıŋ keregı joq. Qazırgı taŋda qalada maskalary bar 67 därıhana kompaniiasy jūmys ısteude. Keşegı san boiynşa, maskanyŋ bır jarym million danasy bar. Farmasevtika salasyndaǧy barlyq ärıptesterımdı maskalardyŋ jetıspeuşılıgıne bailanysty jasandy tolqular tuǧyzbaudy sūraimyn.
Būl mäselenı tabys közıne ainaldyrmaŋyzdar. Mūndai jaǧdai meningit kezınde de bolǧan.
Keşe medisinalyq emes ūiymdar, jauapty emes ūiymdar maskalardy satyp alǧany turaly faktıler anyqtaldy. Ne üşın? Keiınırek satu üşın. Sondyqtan men qala tūrǧyndaryn dürbeleŋge boi aldyrmauǧa şaqyramyn. Alaŋdauǧa negız joq.
Jasandy tapşylyqty tudyrmas üşın qolǧa tek 15-20 maskadan beruge keŋes beremın. Virusqa qarsy preparattar turaly aitatyn bolsaq, olardyŋ sany jetkılıktı. Olardy da satyp aludyŋ qajetı joq. Därıler qajet bolǧan jaǧdaida tek resept boiynşa berıledı", - dedı Aizat Moldaǧasimova.
Esterıŋızge sala keteiık, bügın dene qyzuy köterılgen 23 adam kelgen, onyŋ ışınde 4-euı JRVİ küdıgımen auruhanaǧa jatqyzyldy dep, habarlaǧan bolatyn densaulyq saqtau ministrı Bırtanov.
