"Naǧyz qazaq qazaq emes, naǧyz qazaq- dombyra" dep Qadır atamyz dombyranyŋ qazaqpen bıte qainasqan ūǧym ekenın, ony qal-qadırımızşe qūrmetteuımızdı mındettep ketkendei boldy. Dombyra- Qazaqtyŋ jan düniesınıŋ jyrşysy. Tarihymnan syr şertken, dünie tanymymdy ūǧyndyrǧan, bolmysymdy saqtaǧan altyn sandyq ıspettı.
Bügın jelıde özge ūlt ökılderınıŋ dombyrany mazaq etıp, jerge bır ūryp syndyrǧan videosy tarady. Menıŋ jerımde jürıp, nanymdy jep, suymdy ışıp törıme saryp otyrǧan essızderdı körıp aşuymyz keldı. Bız üige kelgen jylannyŋ da basyna süt qūiyp şyǧarǧan el edık, bızdıŋ aq köŋıldıgımdı aŋqaulyqpen, jomarttyǧymyzdy aqymaqtyqpen şatystyratyn özge ūlt ökılderınıŋ qylyǧy şekten şyǧyp barady.
Älemde bırde-bır elde bız sekıldı özge ūlttardy qorǧaştap, baryn auzyna tosyp otyrǧan el kemde kem. Assambleiasyn qūryp, älpeştep tanaularyn delditıp qoidyq. Egerde telı-tentegın tiia almasa, essızın tezge sala almasa ondai Assambleiasynyŋ bızge qajetı qanşa. Özge ūlttar bızdı, bızdıŋ qūndylyqtarymyzdy qadırlei almasa öz elıne barsyn. Assambleia basşylyǧynan dombyrany şaǧyp, Qazaqty mazaq qylǧan tentekterımen qosa Qazaq halqynan keşırım sūrauyn talap etemın. Özge ūlttardy basymyzǧa köterıp otyrǧanymyzdy tüsınuge bolady ǧoi, olai bolmasa bızdı ūltşyl dep söge körmessıŋder! Assambleia basşylyǧy osy arsyz, pasyq tentekterınıŋ qylyǧy üşın taǧy aitam keşırım sūrasyn!
https://youtu.be/rK4xfMZsepU
Aibek Erejep,
"Adyrna" ūlttyq portaly
