Qaqtyǧys aimaqtaryna baratyn qazaqstandyqtardyŋ ışınde salafizmge bet būrǧandar da, dästürlı dındı ūstanatyndar da bar.
Ūlttyq qauıpsızdık komitetı töraǧasynyŋ orynbasary Nūrǧali Bılısbekov salafizmge tyiym saluǧa qatysty pıkır bıldırdı, dep habarlaidy Sputnik Qazaqstan.
"Salafizmge tyiym salu mäselesıne keler bolsaq, bız būǧan deiın ony jan-jaqty zerdeledık. Qoǧam arasynda pıkırtalastar da bolyp jatady. Degenmen, äzırşe oǧan tyiym salu jaǧy qarastyrylyp otyrǧan joq", - dedı Bılısbekov jurnalisterge bergen sūhbatynda.
Komitet töraǧasynyŋ orynbasary salafizmge tyiym salu mäselesın tüsındırdı.
"Salafizm terroristık ūiym emes, būl – oi-ideologiia. Mäselen, "Hizbut-Tahrir" nemese "Tablii Jamaǧat" – būl ūiymdar, olardyŋ ortalyǧy men qūrylymdary bar. Ūiymdastyru jūmystary da jürgızıledı. Al salafizm – būl dınge degen közqaras, dıni aǧym", - dep atap körsettı Bılısbekov.
Onyŋ aituynşa, bügınde qaqtyǧys aimaqtaryna baratyn qazaqstandyqtardyŋ ışınde salafizmge bet būrǧandar da, dästürlı dındı ūstaityndar da bar.
"Osy uaqytqa deiın qaqtyǧys aimaqtarynan qaitarylǧan 41 Qazaqstan azamaty qylmystyq jazaǧa tartyldy. Eşkım azamattyqtan aiyrylǧan joq", - deidı Bılısbekov.
