QR Işkı ıster ministrı Erlan Tūrǧymbaev Ortalyq kommunikasiialar qyzmetınıŋ brifingınde Jambyl oblysy, Qordai audany, Masanchidegı oqiǧadan 8 adamnyŋ qaza tapqanyn, 30 üi men 23 kölık qiraǧanyn aitty.
Ministr OKQ brifingınde "Zaŋsyz äreketterdı toqtatu üşın oqiǧa ornyna polisiia qyzmetkerlerı jıberıldı. Sol jerde bolǧan adamdar töbelesıp, videoǧa tüsırıp, äleumettık jelı arqyly taratqan. Sonyŋ saldarynan basqa auyldardan kelgen 300-den astam azamat töbeleske qosylyp ketken. Ekı tarap bır-bırıne tas laqtyryp, taiaqpen ūryp, qaru qoldanǧan. 8 adam qaza bolyp, 40-tan astam jaraqat aldy. Arasynda qarudan zardap şekkender de bar. Jaǧdaidy tūraqtandyru üşın oqiǧa ornyna ışkı ıster organdarynyŋ qosymşa küşterı jıberıldı", - dep habarlady.
Sondai-aq, ministr būzaqylyq äreketterdıŋ, onyŋ ışınde ot qoiudyŋ saldarynan aldyn ala mälımet boiynşa 30 jekemenşık üi, 15 sauda nysany jäne 23 kölık qiratylǧanyn, qazırgı uaqytta oqiǧa ornyn qarau şarasy jürıp jatqanyn jetkızdı.
"Adyrna" ūlttyq portaly
