«Elım menıŋ» jobasynda özderınıŋ el turaly bılımderın körsetkısı keletın adamdardan qatysuǧa degen sūranystar köptep tüsıp jatyr. Qanşalyqty patriot ekendıkterın el aldynda synǧa salmaq. Tıptı, sportşy Ardaq Nazarov jary jurnalist Marjan Bolatqyzyna, al «Ūlytau» tobynyŋ qatysuşylary Erjan Älımbetov ärıptesı Alua Mahanovaǧa qarama-qarsy topta baǧyn synady.
Sonymen qatar, olardyŋ toptarynda belgılı jurnalist Nazira Berdaly, ekolog jäne saiasatker Mels Eleusızov tartysty oiyn körsettı.
Qazaq tılıne arnalǧan ekınşı ainalymda Nazira Berdaly tılge degen öz bılıktılıgın airyqşa körsete bıldı. Äsırese, tūraqty söz tırkesterınıŋ balamasyn tauyp aitqany körermenderdı taŋǧaldyrmai qoimady.
Esterıŋızge sala keteiık, baǧdarlama jeŋımpazdaryna «Qazaq ensiklopediiasy» baspasy şyǧarǧan «Qazaqstan tarihynyŋ tört tomdyq ensiklopediiasy», Seiıt Kenjeahmetūlynyŋ «Qazaq salt-dästürlerınıŋ ensiklopediiasy» kıtaptary tartu etıledı. Būl teŋdessız, qūndy kıtaptar qazaq halqynyŋ şejıresı men qatar ūlttyq kiımderı, taǧamdary, salt-dästürlerınen syr şertedı.«Qazaqstan magnitkasy» atanǧan Temırtau domna peşı şoiyndy alǧaş ret qai jyly balqytty?», ««Torta» sözı qandai maǧynany bıldıredı?» degen saualdardyŋ jauabyn Qazaqstan Ūlttyq arnasynda bıluge asyǧyŋyzdar. Efirde kezdeskenşe…
Torǧyn ÄBUŞAHMAN
