Almaty polisiiasy tärtıpsızdıkterge jäne azamattarǧa zorlyq-zombylyq jasauǧa şaqyrǧany üşın ekı adamdy qylmystyq jauapkerşılıkke tartty dep habarlaidy Sputnik.
Olardy polisiia departamentı jedel bölımınıŋ qyzmetkerlerı anyqtady.
"Būryn qaraqşylyq jasaǧany üşın sottalǧan, 1990 jyly tuǧan O. jäne 1987 jyly tuǧan S. tanymal messendjerler men äleumettık jelıler arqyly adamdardy köp jinalatyn jerge jinalyp, zaŋsyz äreketter jasauǧa şaqyrǧan", - dep habarlady polisiia departamentınıŋ baspasöz qyzmetı. Polisiia olar zaŋǧa qaişy qandai äreketter jasamaqşy bolǧanyn naqtylamady.
Küdıktılerge Qazaqstan Qylmystyq kodeksınıŋ 272-babynyŋ 3-bölıgı "Jappai tärtıpsızdıkter" boiynşa aiyp taǧyluda. Sotqa deiıngı tergeu bastalyp, tiıstı saraptamalar jürgızılude.
Eger küdıktılerdıŋ kınäsı däleldense, olar üş jylǧa deiın bas bostandyǧynan şekteluı nemese däl sol merzımge bas bostandyǧynan aiyryluy mümkın.
Polisiia azamattardy arandatuşylyqqa boi aldyrmauǧa, sondai-aq kümändı derekközderden alynǧan jalǧan aqparatty taratpauǧa jäne tek resmi aqparatty basşylyqqa aluǧa şaqyrdy.
Esterıŋızge sala keteiık, 8 aqpanda Jambyl oblysynyŋ Kordai audanyndaǧy jappai töbeles kezınde Almatydaǧy negızınen düngender sauda jasaityn bazar jabyldy. Qazırgı uaqytta bazarlar küzetke alynyp, jartylai jūmys ıstep jatyr.
