Polşadan ūtylǧan «Barys» SSKA-dan myqty şyqty

Qūrlyqtyq hokkei ligasynda öner körsetetın Nūr-Sūltannyŋ «Barys» komandasy syrt aidynda Mäskeudıŋ SSKA komandasynan basym tüstı. Esep – 3:2. Juyrda ǧana Nūr-Sūltanda hokkeiden olimpiadalyq ırıkteu turnirınde negızgı qūramy «Barys» oiynşylarynan qūralǧan Qazaqstan ūlttyq qūramasynyŋ hokkeişılerı Polşa qūramasynan 2:3 masqara bolyp ūtylǧan edı. Osy jeŋılısten keiın ırıkteudıŋ kelesı satysyna öte almai qalǧan. Bır qyzyǧy «Barystan» ūtylǧan SSKA komandasy 86 ūpai jiyp, Qūrlyqtyq hokkei ligasynyŋ Batys konferensiiasynda bırınşı orynda keledı.  Ärı atalǧan chempionattyŋ ötken jylǧy jeŋımpyzy atanǧan. Al «Barys» QHL-dyŋ Şyǧys konferensiiasynda üşınşı 77 ūpaimen üşınşı orynǧa jaiǧasqan. «Barystyŋ» aldynda 82 ūpaiy bar «Avngard» pen 85 ūpai jinaǧan «Aq Bars» komandalary bar. QHL-dyŋ 5 turdan keiın ainalymdyq jüiedegı kezdesulerı aiaqtalyp, plei-off kezeŋı bastalady.