Qazaq-qyrǧyz şekarasyndaǧy "Qordai" beketı uaqytşa jabylǧaly jatyr.
Şekara qyzmetınıŋ aqparatynşa, avtokölık ötkızu beketın qaita qalpyna keltıru jūmystary qaşan aiaqtalatyny äzırge belgısız
Qazaq-qyrǧyz şekarasyndaǧy "Qordai" avtokölık ötkızu beketı jöndeu jūmystaryna bailanysty 20 aqpannan bastap jabylady. Jaŋǧyrtu jūmystary qaşan aiaqtalatyny äzırge belgısız, dep habarlaidy Sputnik Qazaqstan ŪQK şekara qyzmetınıŋ baspasöz qyzmetıne sılteme jasap.
"20 aqpannan bastap qazaqstandyq taraptan "Qordai", al qyrǧyzstandyq taraptan "Aq jol" ötkızu beketı jabylady. Ol jerde qaita qalpyna keltıru jūmystary jürgızıledı. Jöndeu jūmystary qanşa uaqytqa sozylatyny äzırge belgısız", - dedı şekara qyzmetı baspasöz qyzmetınıŋ basşysy Qanatbek Sūltanov.
Ekı eldıŋ azamattaryna kün saiyn taŋǧy 06.00-den tüngı 00.00-ge deiın ärı-berı jaiau ötuge rūqsat etıledı. Olar tek qol jügın alyp öte alady.
Şekara qyzmetı kölıkter men şeteldıkterdı ötkızu üşın qazaq-qyrǧyz şekarasyndaǧy basqa ötkızu punkterın paidalanuǧa keŋes berdı.
Būǧan deiın industriia jäne infraqūrylymdyq damu ministrlıgı qazaq-qyrǧyz şekarasyndaǧy "Qordai" ötkızu beketı 2020 jyly tolyǧymen jaŋǧyrtylatynyn habarlaǧan edı. Jöndeu jūmystarynan keiın "Qordaida" ūzyn-sonar kezek azaiyp, qazaqstandyqtar üşın şekaradan ötu jeŋıldei tüspek.
"Qordai" avtokölık ötkızu beketı Jambyl oblysy Qordai audany Qordai auyldyq okrugınıŋ aumaǧynda ornalasqan.
Aita ketsek, qazır ekı el arasynda 11 avtokölık ötkızu punktı bar. Olardyŋ beseuı – köpjaqty halyqaralyq, al altauy – ekıjaqty.
