Pompeo Qazaqstan men Özbekstan sekıldı Qytaimen körşı elderdıŋ virusqa qarsy tūratyn infraqūrylymy daiyn emes ekenın atap öttı.
AQŞ-tyŋ memlekettık hatşysy Maik Pompeo Amerika koronaviruspen küresuge arnalǧan 100 million dollar kölemındegı biudjet qarajaty esebınen Qytaiǧa ǧana emes, özge elderge, mysaly Qazaqstan men Özbekstanǧa kömek körsetuge niettı ekenın aitty.
Pompeo Qazaqstan men Özbekstan sekıldı Qytaimen körşı elderdıŋ virusqa qarsy tūratyn infraqūrylymy daiyn emes ekenın atap öttı. Onyŋ pıkırınşe, qauıp-qaterge ǧalamdyq, uaqytyly jäne dūrys jauap beru kerek.
«Bızdı laiyqty infraqūrylymmen (virustan qorǧanu üşın) jabdyqtalmaǧan jerlerdıŋ boluy alaŋdatyp otyr. Men Qytaimen şekaralas aimaqtarda, Qazaqstan men Özbekstanda boldym, olardyŋ da koronavirus siiaqty kez kelgen auqymdy qaterge tötep beretın mümkındıgı joq», – dedı Pompeo jurnalisterge bergen sūhbatynda.
«Bız qoldan kelgennıŋ bärın jasaimyz (epidemiiany toqtatu üşın). Kömekke 100 million dollar bölıp qoidyq. Odan da köp qarjy qarastyryluy mümkın. Ol Qytaiǧa kömektesu üşın berıledı, bıraq būl qarjy qauıp-qaterge uaqytyly jäne dūrys jauap beretınımızge köz jetkızu üşın älemnıŋ basqa elderınde de qoldanylady», – dep atap öttı Pompeo.
Būǧan deiın Pompeo Qazaqstanǧa sapary kezınde koronavirustyŋ elge kıruıne jol bermeu üşın Qazaqstan qabyldaǧan şaralarǧa taŋǧalǧanyn aitqan bolatyn.
nege.kz
