Koronaviruske bölıngen 2 milliard teŋge tausyldy

Qazaqstanda koronavirus tabylmasa da, şeneunık­ter onymen küreske bölıngen 2 milliard teŋgenı jūmsap qoiypty. Osyǧan qatysty äleumettık jelılerde jūrt narazylyq bıldırıp, şeneunıkterden tüsınıkteme berudı talap ettı. Bıraq jurnalister äŋgımege tartqan laua­zymdy şeneunık aqşanyŋ qaida ketkenın aita almaitynyn mälımdedı. Densaulyq saqtau ministrı Eljan Bırtanov myŋ da, million da emes, milliardtaǧan biudjet qarajatynyŋ qaida jūmsalyp ketkenın halyqqa aituǧa rūqsaty joǧyn jetkızdı. – Koronaviruspen küreske aqşa Ükımet qaulysyna säikes bölınude. Degenmen oǧan qatysty mälımet «Qyzmet babynda pai­da­lanu üşın» degen aqparatqa ja­ta­dy. Mūny Densaulyq saqtau mi­nis­trlıgı oilap tapqan joq, ol Ükı­mettıŋ qaulysy. Men quana-qua­na aityp berer edım, alaida ondai qūqym joq! – dedı E.Bırtanov. «Jalpy, sol aqşaǧa qorǧanyş qūraldary, onyŋ ışınde medisi­nalyq maskalar, kostiumder, közäinekter, dezinfeksiialyq zattar, zerthanalar, diagnos­tika­lauǧa arnalǧan zerthanalyq jabdyqtar, teplovizorlar satyp alyndy. Öitkenı keŋ auqymdy tekseru, diagnoz qoiu şaralaryn ıske asyru qajet. Qūraldar ara­synda tek medisina mamandaryna ǧana emes, sondai-aq şekara­şy­larǧa arnalǧany da bar bolǧan­dyq­tan, būl endı tek qyzmet babynda paidalanylatyn jabyq aqp­a­rat», – dedı ministr E.Bırtanov. Bilıktıŋ halyq qarjysynyŋ jūmsaluyn halyqtan jasyrǧanyna jurnalister şyn keiıdı. Osy oraida, Jambyl oblysynyŋ jaŋa äkımı Berdıbek Saparbaevtyŋ aitqan sözı eleŋ etkızedı. Öŋır Qyrǧyz elımen şektesetını bel­gılı. Onyŋ tızgının qolyna almas būryn Berdıbek Maşbekūly Qor­daidaǧy qaqtyǧystyŋ män-jaiyn zerttegen ükımettık komissiianyŋ jetekşısı retınde şekaranyŋ jäne keden beketterınıŋ berıktıgı men bütındıgın tekserıp qaitty. Sonda kedenşıler jaŋadan satyp alynǧan termoskanerleu qū­rylǧysyn paş ettı. Ol tapan­şaǧa ūqsas jäne «ūŋǧysynan» lazerlık säule şyǧady. Sony adam­nyŋ maŋdaiyna közdeu arqyly onyŋ dene temperaturasy qaşyqtyqtan ölşenedı. – Şekarada baqylau naşar. Anau teplovizorlary jūmys ıs­temeidı, ötırık närse. Adam tem­pe­raturasyn ölşese, onysy 30 gra­dusty körsetedı. Adamda sondai tem­peratura da bola ma eken?! 30 gradus bolmaidy ǧoi, eŋ kem de­gende 35 boluy kerek. Endeşe bız korona­viruspen dert­tı nauqasty şekarada qalai anyqtaimyz? Onyŋ üstıne adam­dar Qyrǧyz elı­nen berı ötıp jatyr. Al Qyrǧyz Respubli­kasy­nyŋ Qytaimen şe­karasy ortaq. Osyǧan köŋıl böl­mesek, bolmai­dy», – dedı Jambyl obly­synyŋ äkımı. B.Saparbaev äkımdık apparatyna jäne jer­gı­lıktı densaulyq saqtau basqar­masyna olqylyqty joiu jönınde tiıstı tapsyrmalar berdı. QHR-men ırgeles özge öŋırle­rı­mızdıŋ äkımderı äzırge tym-tyrys.  

aikyn.kz