Qytaımen shekaralas Dostyq stansasynda koronavırýs juqtyrdy degen kúdikke ilingen adamdy anyqtaýǵa baǵyttalǵan oqý-jattyǵý ótti, dep habarlaıdy "Qazaqstan temir joly" kompanııasynyń baspasóz qyzmeti.
Senarıı boıynsha, Almaty – Dostyq baǵytyndaǵy №13/14 jolaýshylar poıyzynda vırýstyq ınfekııanyń belgileri baıqalǵan jolaýshy bolǵan.
Joǵary temperatýra, jótel, entigý, joǵarǵy tynys alý joldarynyń aýyrsynýy sekildi negizgi klınıkalyq belgiler anyqtalyp, epıdemıologııalyq anamnezi esepke alynyp, oǵan belgisiz etıologııanyń pnevmonııasy degen aldyn ala dıagnoz qoıyldy.
"Tez arada barlyq qyzmetke habar berilip, kúzet qoıyldy. Vagondy sanıtarlyq tuıyqqa shyǵarý úshin jolaýshylar vagony aǵytyldy. Dezınfekııa brıgadasy poıyz ben vırýs "juqtyrǵan" adam otyrǵan vagondy dárimen óńdedi", - delingen habarlamada.
Qorǵanys kostıýmderin kıgen mamandar epıdemıologııalyq tekseris júrgizdi. Oqý-jattyǵý kezinde alǵashqy medıınalyq kómek kórsetý, bıomaterıaldy zertteýge alý, Dostyq stansasynyń aýrýhanasyna aýrý adamdy jetkizý men evakýaııalaý barysy pysyqtaldy.
Budan bólek, epıdemıologtar naýqastyń qansha adammen baılanysta bolǵanyn anyqtady.
Dostyq stansasyndaǵy oqý-jattyǵýlar uıymdasqan túrde ótti. Óıtkeni temirjolshylar jyl saıyn epıdemıologııalyq, shekaralyq jáne karantındik qyzmettermen birlesip osyndaı sharalardy pysyqtaıdy, dep atap ótti QTJ-dan.
Sputnik.
