Qazaqstanda poiyzdarda baqylau küşeitıldı, ındettıŋ aldyn alu jäne el aumaǧynda taraluyna jol bermeu maqsatynda oqu-jattyǧu ötıp jatyr
Qytaimen şekaralas Dostyq stansasynda koronavirus jūqtyrdy degen küdıkke ılıngen adamdy anyqtauǧa baǧyttalǧan oqu-jattyǧu öttı, dep habarlaidy "Qazaqstan temır joly" kompaniiasynyŋ baspasöz qyzmetı.
Ssenarii boiynşa, Almaty – Dostyq baǧytyndaǧy №13/14 jolauşylar poiyzynda virustyq infeksiianyŋ belgılerı baiqalǧan jolauşy bolǧan.
Joǧary temperatura, jötel, entıgu, joǧarǧy tynys alu joldarynyŋ auyrsynuy sekıldı negızgı klinikalyq belgıler anyqtalyp, epidemiologiialyq anamnezı esepke alynyp, oǧan belgısız etiologiianyŋ pnevmoniiasy degen aldyn ala diagnoz qoiyldy.
"Tez arada barlyq qyzmetke habar berılıp, küzet qoiyldy. Vagondy sanitarlyq tūiyqqa şyǧaru üşın jolauşylar vagony aǧytyldy. Dezinfeksiia brigadasy poiyz ben virus "jūqtyrǧan" adam otyrǧan vagondy därımen öŋdedı", - delıngen habarlamada.
Qorǧanys kostiumderın kigen mamandar epidemiologiialyq tekserıs jürgızdı. Oqu-jattyǧu kezınde alǧaşqy medisinalyq kömek körsetu, biomaterialdy zertteuge alu, Dostyq stansasynyŋ auruhanasyna auru adamdy jetkızu men evakuasiialau barysy pysyqtaldy.
Būdan bölek, epidemiologtar nauqastyŋ qanşa adammen bailanysta bolǧanyn anyqtady.
Dostyq stansasyndaǧy oqu-jattyǧular ūiymdasqan türde öttı. Öitkenı temırjolşylar jyl saiyn epidemiologiialyq, şekaralyq jäne karantindık qyzmettermen bırlesıp osyndai şaralardy pysyqtaidy, dep atap öttı QTJ-dan.
© PHOTO : AO "NK "KTJ"
Jolauşylar poiyzynda ötken oqu-jattyǧu
© PHOTO : AO "NK "KTJ"
Dostyq stansasynda koronavirus jūqtyrdy degen küdıkke ılıngen adamdy anyqtauǧa baǧyttalǧan oqu-jattyǧu
Sputnik.
