Germanııa polıııasy Frankfýrtqa jaqyn Hanaý qalasynda bolǵan atystan keminde segiz adam qaza bolǵanyn, kúshtik qurylymdardyń kólikpen qashqan qarýly kúdiktilerdi izdep jatqanyn habarlady, dep jazady centralasian.org.
19 aqpanda túnde bolǵan atysqa naqty ne sebep bolǵany aıtylmaıdy. Arnaıy jasaq ókilderi Hanaý ortalyǵyndaǵy eki kósheni qorshaǵan.
Jergilikti aqparat quraldarynyń jazýynsha, shabýyldaýshylar áýeli qaladaǵy eki qorqor barǵa (kalıan bar) oq atqan. Keıinirek ortalyq alańdardyń birinde júrgen adamdarǵa shabýyl jasaǵan. Polıııa qyzmetkerleri men tikushaqtar eki aýmaqty da kúzetip júr.
Polıııanyń 20 aqpanda túnde taratqan málimdemesinde oqıǵanyń shamamen túngi saǵat 22.00-de bolǵany, segiz adamnyń qaza bolǵany aıtylady. Odan soń taǵy eki kisiniń máıiti tabylǵany málim boldy.
