QR Ūlttyq muzeiınde Jambyl Jabaevtyŋ tuǧanyna 170 jyl toluyna orai «Jyr alyby – Jambyl» atty döŋgelek üstel öttı, dep habarlaidy muzeidıŋ aqparattyq-imidjdık qyzmetı.
Döŋgelek üstelge Ūlttyq muzei direktorynyŋ orynbasary Jäken Taimaǧambetov, Säken Seifullin atyndaǧy muzei direktory Nesıpbek Aitūly, fǧd., professor Qūnypiia Alpysbai qatysyp, söz söiledı. Jiynda söz alǧan muzei orynbasary Jäken TaimaǧambetovJambyldyŋ qazaq ädebietıne, onyŋ ışınde aitys önerıne qosqan ülesı turaly aita otyryp, jyrau mūrasynyŋ maŋyzdylyǧyna toqtalyp öttı.
- Jambyl Jabaev ataqty Süiınbaidyŋ şäkırtı. Jüz jasaǧan abyz ǧasyr sözın söilegen kümıs kömei aqyn. Tarih jylnamaşysy. Aitys önerınıŋ saŋlaǧy. Onyŋ öleŋderı tūtas ūranǧa ainalyp, halyq poeziiasynyŋ atasy atandy. «Jambyl jyrlary teŋız tübınde şaşylyp jatqan marjan syqyldy. Ony jinap alyp halqynyŋ qolyna beru – bızdıŋ ärqaisymyzdyŋ azamattyq boryşymyz» degen eken Säken Seifullin. Jambyl qazaq söz önerınıŋ damuyna aitarlyqtai üles qosqan tūlǧa. Izgılıktı, bırlıktı jyrlaǧan aqyn. Jambyl babamyz aqyndyq önerın sän üşın emes, halyqtyŋ müddesı jolynda paidalanǧan, - dedı J.Taimaǧambetov.
Aqyn, QR Memlekettık syilyǧynyŋ laureaty Nesıpbek Aitūlynyŋ aituynşa, Jambyl Jabaevtyŋ şyǧarmaşylyǧy kezınde qatty synǧa ūşyraǧanymen, ol qatelıkke egemen Qazaq elınıŋ jastary boi aldyrmauy kerek.
- Kezınde saiasat solai boldy, bıreudı jazǧyruǧa bızdıŋ qūqymyz joq. Jambyldyŋ Keŋes Odaǧyna qatysty öleŋderın bylai qoiǧanda, qazaq halqy üşın özge de şyǧarmalary jetıp artylady. Aitalyq, «Sūranşy batyr» poemasyn alaiyqşy. Osynyŋ özınde qanşama qūndy dünie bar. Är bır joly danalyqqa tūnyp tūr. Diırmennıŋ tasyndai ügıtıp jıberedı. Jambyl – qazaq batyrlarynyŋ nasihatşysy. Jambyl – ūlttyq ülgıdegı aqyn. Ekı tomdyq şyǧarmalar jinaǧyn jasap şyǧardyq. Osy jūmystar ary qarai da jalǧasyn tabatyn bolady, - dedı N. Aitūly.
Professor Qūnypiia Alpysbai Jambyltanu mäselesıne toqtala kele, bügıngı taŋda ǧylymi jūmystar belsendı türde jürgızılıp jatqanyn aitty.
- Jambyldyŋ jyrlaryn osy uaqytqa deiın talai ädebietşıler, ǧalymdar zerttep keldı. Älı de jalǧasyp jatyr. Sūltanǧali Sadyrbaev, Myrzatai Joldasbekov, Raqymjan Tūrysbekov syndy ziialy azamattarymyzdyŋ Jambyl mūrasyn tanudaǧy qosqan ülesı älı talai ūrpaqqa azyq bolary sözsız. Memleket tarapynan būl mäselege erekşe köŋıl bölıngen. Bastysy – osy jinaǧanymyzdyŋ bärın şaşyp almai, keiıngı jastarǧa amanattap tapsyru, - dedı Q.Alpysbai
Sonymen qatar, jiyn barysynda EŪU studentterı öz pıkırlerımen bölısıp, kökeilerınde jürgen saualdaryna jauap aldy.
