Är ūlttyŋ özınıŋ ūlttyq erekşelıkterı bar. Bır ūltty ekınşı ūlttan daralap tūratyn da sol bız tılge tiek eteiın dep otyrǧan basty erekşelık - ūlttyq qūndylyqtar.
Tıl, folklor, ädet-ǧūryp, salt-sana, sol ūltqa ǧana tän mentalitet, ūlttyq öner, ūlttyq taǧam, ūlttyq būiym dep sanamalap, tızbektesek bıraz dünienı ūlttyq qūndylyqtar qataryna qosyp şyǧuǧa bolady. Osy qasietterınen aiyrylǧan halyqtyŋ qaitadan ūlt retınde tülep şyǧyp, jaŋaşa tırşılıgın bastap, erekşe qarqynmen ösıp ketuı mümkın emes närse. Tarihtan osyndai jaittardy basynan ötkızgen ūlttardyŋ tragediialary turaly neşe türlı aqparattardy estıgen saiyn bız synyptastarymyzben öz elımızdegı jaǧdaiy syn kötermei tūrǧan osy mäselege qatty alaŋdaimyz. Sosyn mūǧalımderımızben aqyldasa kele osy taqyrypqa aşyq sabaq ötkızudı ūiǧardyq. Mäselenıŋ basyn bırden aşyp alu üşın de bız arnaiy sūraq jazylǧan biletter daiyndap, mektep ışınde saualnama jürgızıp şyqtyq. Sonyŋ barlyǧyn statistika körsetkışımen alyp körsettık. Maqsatymyz - mektep jasyndaǧy balalardyŋ iaǧni, öz qatarlastarymyzdyŋ ūlttyq qūndylyqtarǧa degen közqarasyn bılu, söitıp, beineroligımızdı jariialau arqyly qoǧamǧa ün qosyp, seŋ bolyp sıresken ortaǧa qozǧau salu. Osydan keiın ūlttyq önerge, ūlttyq tärbiege milliondap qarjy bölınıp ketpese de, osy kışkentai ǧana maqalamyz ben beine roligımızge köz jügırtıp otyrǧan aǧa, apalarymyz bır sät oiǧa qalyp, öz boiynan qazaqylyqtyŋ nyşandaryn ızdei bastasa bız dıttegenımızge jettık dep sanaimyz.
Beine rolik: {youtube}https://www.youtube.com/watch?v=NCt10cuZM5k{/youtube}
Dana halqymyz: "Jūmyla kötergen jük jeŋıl"- deidı. Ūlttyq qūndylyqtarymyzdy küşeitu jūmysyna barlyǧymyz bırıgıp ün qossaq, jauharlarymyz qaita jaŋǧyryp, jaŋarsa, mädenietımız de joǧary deŋgeige köterıler edı... Atsalysaiyq aǧaiyn!
Serıkbai JANSERIK,
Abai atyndaǧy qazaq tılı men ädebietın tereŋdete
oqytatyn daryndy balalarǧa arnalǧan
mektep-internatynyŋ 9"b" synyp oquşysy.
