Almatydaǧy «Temırqazyq» baspa üiınde türıktanu seminarynda suretşı, qazaq oiu-örnekterın zertteuşı Erlan Qojabaevpen kezdesu boldy. Ekı aptada bır ötıp tūratyn türıktanu seminar türıktanuşy ǧalymdar Häkım Omar men Erbol Qūrmanbaevtyŋ, käsıpker Säken Orynbekūly Seifullinnıŋ bastamasymen jüzege asqan edı. Bügınde onda türıktanu taqyryby boiynşa türlı sala mamandaryna oryn berılıp, tarih-etnografiia mäselelerı töŋıregınde aşyq pıkır-talas alaŋyna ainaldyp otyr.
Seminardyŋ keiıngı kezdesuınde suretşı Erlan Qojabaev özınıŋ «Qazaq oiulary» («Qazaq oiulary täŋırşıldık mädenietınıŋ piktogrammalary... ») atty taqyryptaǧy därısı öte qyzyqty öttı. Qazaq oiularynyŋ şumerler mädenietımen, saq, ǧūn, köne türık qolönerımen tıkelei astasyp, sabaqtasyp jatqandyǧy söz boldy. Suretşı 1940-şy jylǧa deiın oiu-örnekterdıŋ özınıŋ tabiǧi bolmysyn saqtap kelse, 1950-60 jyldardan bastap baiyrǧy qalyptasqan ülgısın, töl bolmysyn joia bastaǧandyǧyn söz ettı. Erlan Qojabaev qazaq oiularyn mūraǧattardan, muzeilerden, tarihi orta ǧasyrlyq keşenderden (Qarahan baba, Aişa bibı, Qoja Ahmet Iаsaui kesenelerı) alyp, qalpyn būzbai qaita jaŋǧyrtyp, öz qolymen salyp, bügıngı suretşı-dizainerlerge qalai qoldanu kerektıgın körsetuge tyrysqan. Suretşınıŋ Almatydaǧy «Mektep» baspasynan albom kıtaby 7 000 teŋge tūrady. Ärbır tarihi foto men paidalanylǧan materialdarǧa avtor sılteme jasaǧan. Kıtaptyŋ ǧylymi-sipattamalyq, mazmūndyq-semanitkalyq jaǧyna önertanuşy Bek Ybyraev, türıktanuşy Näpıl Bazylhan tärızdı ǧalymdar köp kömegın körsetken.
Arman SERIKŪLY
