Ötken aptada koronavirusqa bailanysty tūrǧyndary öz alaŋdauşylyqtaryn bıldırgen Zaisan audanyna bügın jaŋa äkım tanystyryldy. Esterıŋızge sala keteiık, 19 aqpanda Zaisan audanynyŋ Saryterek jäne Ainabūlaq auyldarynyŋ tūrǧyndary «Qytaidan kelgenderdı koronavirusqa bailanysty osy eldı mekenderdegı medisinalyq punktterge ornalastyrady» degen anyq-qanyǧy belgısız habardy bır-bırınen estıp, būǧan öz narazylyqtaryn bıldırgen bolatyn.
20 aqpanda oblys äkımı Danial Ahmetov arnaiy baryp, mäselenı jan-jaqty tüsındırgennen keiın ǧana jergılıktı halyq sabasyna tüsken-dı. Sol kezde tūrǧyndar oblys äkımıne: «Keşe audan äkımın saǧat 3-ten bastap küttık. Tüngı saǧat 11 jarymda keldı. Jergılıktı bilık halyqpen sanaspaidy» dep audan basşylyǧynyŋ jūmysyna köŋılı tolmaityndyqtaryn jetkızgen edı. Bügın mıne D.Ahmetov Zaisan jūrtşylyǧyna osy audandy būǧan deiın bır märte basqarǧan Serık Zainuldindı tanystyrdy. Ol būǧan deiın Ürjar audanynda äkım bolǧan. «10 künnen keiın Zaisanǧa taǧy da kelemın. Şekaralyq aimaqtaǧy 5 audanǧa 207 milliard teŋge qarajat bölemız. Onyŋ ışınde Zaisan da bar» dedı D.Ahmetov audan äkımın tanystyrǧan jiynda.
Basqa materialdar
Adyrna.kz ūlttyq portalynyŋ maŋyzdy aqparattaryna jazylu
Soŋǧy jaŋalyqtar turaly habardar bolyŋyz