Ulttyq qaýipsizdik komıtetiniń qyzmetkerleri qarý-jaraq urlamaqshy bolǵandardy ustady, - dep habarlaıdy Tengrinews.kz tilshisi UQK saıtyna silteme jasap.
Komıtettiń málimetinshe, Almaty qalasy men Almaty oblysynyń 10 turǵyny qylmystyq jaýapkershilikke tartyldy.
Zańsyz aınalymnan 3 "Kalashnıkov" avtomaty, 3 granataatqysh, 2 jaýyngerlik granata, 14 pıstolet, 1700-den aca patron men qarýdyń kerek-jaraqtary alyndy.
"Sotqa deıingi tergep-tekserý barysynda ishki ister organdary qyzmetkeriniń qylmystyq quqyq buzýshylyqqa qatysý faktisi anyqtaldy. Laýazymdy adam QR IIM teńgeriminde turǵan oq-dárilerdi urlaýdy júzege asyrǵan. Sonymen qatar, qarý qurastyrý boıynsha jasyryn sheberhananyń áreketi toqtatyldy", - delingen komıtettiń saıtynda.
27 qańtarda Almaty qalasy Almaly aýdandyq sotynyń úkimimen sottalýshylar ártúrli merzimderge bas bostandyqtarynan aıryldy.