Bügın, 27 aqpan künı Aqmola oblysy Talapker auylynda ekı kün būryn Nūr-Sūltandaǧy tergeu izoliatorynda qaitys bolǧan belsendı Dulat Aǧadıldı soŋǧy saparǧa şyǧaryp saldy. Qarly boranǧa qaramai janazaǧa myŋnan astam adam jinaldy. Olardyŋ arasynda är öŋırden kelgen qoǧam belsendılerı, saiasatkerler jäne jurnalister boldy.
Qaraly janazaǧa jinalǧan jūrt Dulat Aǧadıldıŋ ädılet üşın küresken batyl azamat, köp balaly analarǧa araşa tüsken küresker bolǧanyn aityp, onyŋ ölımıne bilıktı kınälady.
Dulat Aǧadıldı Talapker auylynyŋ maŋyndaǧy ziratqa qoidy.
Aqmola oblysynda belsendını jerlep jatqan kezde Qazaqstannyŋ Almaty, Taraz, Aqtöbe qalalarynda da qaraly jiyn ötıp, belsendını eske aldy. Almatyda Respublika alaŋyna jinalǧan 70-80 şaqty adam Dulat Aǧadıldıŋ ruhyna qūran baǧyştap, söz söiledı. Közıne jas alǧan adamdar da köp boldy.
Ūlarbek Däleiūly
Ūqsas jaŋalyqtar
