QR Ūlttyq olimpiada komitetı koronavirusqa qatysty mälımdeme jasady. Būl turaly komitettıŋ saitynda jariialandy dep habarlaidy "Adyrna".
Ūlttyq Olimpiadalyq komitetınıŋ otandyq sportşylardyŋ qauıpsızdıgın qamtamasyz etu üşın qataŋ şaralar qoldanatyny jäne koronavirusqa bailanysty eldıŋ olimpiadalyq basqarmasynda keleŋsız jaǧdaidan saqtanu maqsatynda arnaiy ştab qūrylǧanyn mälımdeidı. Ūlttyq qūramalardyŋ jarys jäne jattyǧu kestesı qarastyrylady eken. Komitet qoldan kelgen şaralardyŋ qoldanamyz deidı.
"Ūlttyq Olimpiadalyq komitet üşın sportşylardyŋ densaulyǧy öte maŋyzdy. Saqtyq şaralarymen qatar, qauıpsızdık şaralaryn da küşeitu qajet. Bızde ūlttyq federasiialarmen bırge koronavirustyŋ taralmauy jäne qazaqstandyq sportşylardy ındetten qorǧau boiynşa aldyn alu şaralaryna qatysty bırtūtas jäne berık ūstanym boluy kerek. Aldyn alu şaralarynyŋ barlyǧyn qoldanu kerek", - dedı Timur Qūlybaev.
Bügın prezident Qasym-Jomart Toqaev Qazaqstan azamattarynyŋ densaulyǧyn qorǧau maqsatynda keşendı şaralar qabyldaudy tapsyrdy.
Osyǧan bailanysty Qazaqstan Ūlttyq Olimpiada komitetınıŋ prezidentı Timur Qūlybaev ūlttyq qūramalardyŋ qauıpsızdıgın baqylaudy küşeitetının mälımdedı.
