Şyǧys Qazaqstan oblysyndaǧy Berel jazyǧyndaǧy saq patşalary jerlengen obalardan arheologtar taǧy da tyŋ jaŋalyq aşty. Nömırı 2-nşı qorǧannan öz zamanynda öte yqpaldy tūlǧa bolǧan adamnyŋ mürdesı men altynmen aptalyp, kümıspen küptelegen 7 at tabyldy – dep habarlaidy Habar arnasy.
İä, arheologtardyŋ aldyn ala boljauynşa altynmen aptalǧan būl attar saqtar däuırıne tiesılı. Nömırı ekınşı qorǧannan äzırşe 2 attyŋ süiegı şyqty. Arheolog Zeinnolla Samaşev altyndalǧan taǧy 5 attyŋ süiegı jatqanyn aitady. Al eŋ maŋyzdysy osy qorǧanda basyna ülken qūmyra qoiylyp, sol däuırde saq patşalaryna yqpaly bolǧan taǧy bır adam jerlenıptı. Äzırşe ol tolyq aşylǧan joq. At äbzelderı altynnan qūiylǧan türlı qūstardyŋ beinesımen bezendırılgen.
Zeinolla Samaşev, arheolog, tarih ǧylymdarynyŋ doktory:
– Elımızdıŋ şirek ǧasyrlyq mereitoiyna bızde özımızşe syi tartaiyq dep oiladyq. Biylǧy jyly arheologiialyq qazba jūmystary Berelde jalǧasqan bolatyn. Nömırı 2-nşı obadan asa qūndy oljalar tauyp otyrmyz. Ūlttyq tarihymyzdyŋ sol aqtaŋdaq şaqtarynyŋ barlyǧyn şeşetın jaqsy qūndylyqtar tabylyp jatyr. Älı de tabylady. Jer betınen jetı metr tereŋdıkte jerlengen qorǧannyŋ enı 4, ūzyndyǧy 5 metr bolady. Al 20 jyl būryn 11-ınşı qorǧannan tabylǧan jädıgerler bügınde ūlttyq mūrajaida tūr.
Oljas Kereihan, tılşı:
– Jalpy Berel jazyǧynda saq patşalarynyŋ 100-den astam qorǧany şoǧyrlanǧan. 1998 jyldan bastap arheologiialyq qazba jūmystaryn jürgızıp keledı. Nätijesınde keşegı tasqa qalaǧan tarih bügıngı ūlttyq tarihymyzǧa mol mūra bolyp qosylyp jatyr. Endı osy mūrany nasihattau üşın qorǧandardyŋ özınen aspanasty mūrajaiy jasaqtalmaq. Ol üşın oblystyq biudjetten 40 million teŋge bölınetın boldy. Al aldaǧy jyldary öŋırdegı barlyq arheologiialyq qazba jūmystarynan tabylǧan jädıgerlerden ülken mūrajai salynbaq.
Danial Ahmetov, oblys äkımı:
– Bes jyldyŋ ışınde bız Öskemende mūrajai saluymyz kerek. Oǧan tamaşa mümkındıgımız bar. Az uaqyttyŋ ışınde tamaşa ǧimarat salyp, myŋdaǧan kısıler qazaqtyŋ tamaşa jerıne kelu kerek. Biyl oblystaǧy üş audanda arheologiialyq zerteu jürıp jatyr. Qyrküiek aiynda osy qazba jūmystardyŋ nätijesı boiynşa Ortalyq Aziia men Europadaǧy belgılı ǧalymdardyŋ qatysuymen ülken basqosu ötpek. Sol kezde 2-nşı qorǧannan tabylǧan mürde men jylqy süiekterıne genetikalyq saraptama jasaldy
"khabar.kz"
