Almaty qalasy Ishki saıasat basqarmasynyń qoldaýymen «Adyrna» ulttyq-etnografııalyq birlestigi Qazaqstan-2050 «Máńgilik El» Strategııasy, Memlekettik «Mádenı mura» jáne «Halyq tarıh tolqynynda» baǵdarlamalaryn júzege asyrý maqsatynda 2016 jyldyń 13 qyrkúıeginde Almaty qalasynyń 1000 jyldyǵyna arnalǵan «Almatynyń myńjyldyq tarıhy: arheologııa jáne jazba derekteri» atty Halyqaralyq ǵylymı-tájirıbelik konferenııa ótkizedi.
Konferenııanyń maqsaty – Almaty qalasy tarıhynyń kókjıegin keńeıtý jáne jańa ǵylymı derekterdi jınaý, ǵalymdardyń ataýly másele boıynsha tájirıbe almasýyna jaǵdaı jasaý, Almatyny myńjyldyqtarǵa tamyr tartqan tarıhy tereń kent ekendigin ǵylymı negizde dáleldeý.
Konferenııaǵa arheologtar, tarıhshylar, kórnekti ǵalymdar, qoǵam qaıratkerleri, Qazaqstan Halyqtarynyń Assambleıasy músheleri jáne tanymal ÚEU ókilderi qatysady. Atap aıtqanda baıanadamashy ǵalymdar qatarynda t.ǵ.d., professorlar K. Baıpaqov, M. Ábýseıitova, M. Nurpeıisov, A. Nurjanov, N. Bazylhan syndy tarıhshylar bar.
Konferenııanyń ereksheligi – shara barysynda jádigerler men qolóner buıymdary, fotosýretter kórmesi qoıylady. Sondaı-aq, Almaty mańyndaǵy Esik mýzeıine, Tańbaly tas eskertkishter keshenine ekskýrııa uıymdastyrý josparlanyp otyr.
