Qaraǧandyda karantin jariialanbaidy

Qaraǧandyda Minskıden kelgen ūşaqtyŋ jolauşylary üilerıne qaitaryldy. Koronovirus jūqtyrǧan ekı jolauşyǧa jaqyn otyrǧan jolauşylar ǧana karantinde qalǧan. Qaraǧandy jūrtyn keseldıŋ ekı adamnan belgılı bolǧandyǧy jönındegı aqparat dür sılkındırdı. Koronovirus syrqatyn jūqtyrǧan  1971 jylǧy jäne 1972 jylǧy ekı azamat. Olar Qaraǧandy tūrǧyny emes. Būl 18 nauryzda Minskıden kelgen ūşaqtan tüsken jolauşylar. Densaulyq saqtau salasynyŋ mamandary "Qaraǧandy qalasyna kesel ötken joq " dep otyr. " Minsk - Nūr - Sūltan baǧytymen kele jatqan ūşaq Qaraǧandyǧa qonǧan. Öitkenı bır mezette Astanaǧa üş halyqaralyq reis kelıp qonǧandyqtan , osynda ūşaqty qondyruǧa şeşım qabyldandy. Bügınde ūşaq jolauşylarynyŋ ışınde ekeuınıŋ virusologiialyq saraptama qorytyndysyna sai , keseldı jūqtyrǧany anyqtaldy. Jolauşylardy bırden ūşaqta tekserıp , oqşaulau üşın provizorlyq mekemege jetkızdık. Būl jolauşylar qala tūrǧyndarymen aralasqan joq. Qazır kesel jūqtyrǧandar jūqpaly aurular bölımınıŋ jeke palatasyna auystyrylǧan  " , - dep mälımdedı Qaraǧandy oblysynyŋ densaulyq saqtau basqarmasynyŋ bastyǧy Erjan Nūrlybaev . Äzırge mamandar Qaraǧandy qalasynda karantin jariialanbaidy deidı. Sonymen qatar öŋırde balabaqşalar jūmystaryn toqtatqan joq. Auqymy ekı myŋ şarşy alaŋnan asatyn ırı sauda oryndary jabylǧan, mūnda tek azyq - tülık satatyn oryndarmen därıhanalar ǧana aşyq tūr.  Densaulyq saqtau basqarmasynyŋ habarlauynşa, Minskıden kelgen ūşaqta bolǧan jolauşylar aurudy anyqtaityn testıleuden ötken soŋ üilerıne  bosatylǧan.  Tek karantinde kesel jūqtyrǧan jandarmen aralasqandary ǧana qalypty. Bügınde oblys joldarynda alty bölıkke sanitarlyq beket qoiylǧan. Būl jerde Qaraǧandyǧa baǧyt alǧan jolauşylardyŋ densaulyǧy tekserıledı, eger dene qyzuy köterılgender bolsa därıgerlerdıŋ qolyna tapsyrylady. Keşe tünde osy sanitarlyq beketterde ekı myŋ kölık toqtatylyp tekseruden ötken eken.                                                                                                                                                                                                                                                                                            Arailym Erkebaeva