Elordadaǧy №1 avtobus parkı karantinge jabyldy. Būl turaly qala äkımdıgınıŋ resmi saity habarlady.
Monitoring barysynda №1 avtobus parkınıŋ qyzmetkerı koronavirus jūqtyrǧan adammen bailanysta bolǧany anyqtaldy. Qyzmetkerler men jolauşylardyŋ qauıpsızdıgın qamtamasyz etu üşın avtopark karantinge jabyldy. Avtopark pen avtobustar dezinfeksiiadan öttı. Qyzmetkermen jaqyn qarym-qatynasta bolǧandardyŋ bır bölıgı stasionarǧa jatqyzylsa, al qalǧandary üi karantinınde. 2020 jyldyŋ 27 nauryzynan bastap elordada jolauşylarǧa avtobustyŋ aldyŋǧy esıgı arqyly kıruge tyiym salyndy. Jürgızuşıler otyratyn jer arnaiy lentamen qorşaldy. Qolma-qol aqşa töleuge bolmaidy. Qolma-qol aqşasyz tölemder ǧana qabyldanady. (Bügıngı taŋda qolma-qol aqşasyz tölem ülesı 98% -dy qūraidy). 26 nauryzdan bastap avtobustar keşkı saǧat 19.00-ge deiın ǧana jüredı. 28 nauryzdan bastap karantindık aimaqta ornalasqan barlyq qala maŋyna qatynaityn avtobustardyŋ qozǧalysy uaqytşa toqtatyldy. Olar Qosşy, Taitöbe, Jıbek Joly, Talapker, Qoiandy, Qyzylsuat, Y.Altynsarin, "Nūrly" saiajai kentterı (№ 301, 302, 303, 304, 306, 307, 313, 314, 319, 320, 321, 322, 326). QR Prezidentı janyndaǧy Tötenşe jaǧdai rejimın qamtamasyz etu jönındegı memlekettık komissiianyŋ şeşımıne säikes, 28 nauryz saǧat 00.00-den bastap, bırqatar qosymşa qataŋ şaralar bekıtılgen: 1. Azyq-tülık, därı-därmek satyp aludy jäne jūmysqa barudy qospaǧanda, azamattardyŋ tūrǧyn üiden şyǧuyn şekteu; 2. Halyq köp jinalatyn oryndardy jabu (saiabaqtar, skverler, jaiau jüretın köşeler, jaǧalaular, oiyn alaŋdary jäne t. b.); 3. Qoǧamdyq kölık jūmysyn kezeŋ-kezeŋmen şekteu; 4. Köşelerde jäne basqa da qoǧamdyq oryndarda üş adamnan artyq toptasyp jinaluǧa tyiym salu (otbasy müşelerınen basqa); 5. Kämelettık jasqa tolmaǧandardyŋ ülkendersız syrtta jüruıne tyiym salu.Ūqsas jaŋalyqtar
